تحریک انصاف کے رکن اسمبلی عبد الشکور شاد کواستعفے کی تصدیق کیلئے 27اکتوبر طلب کرلیا

منگل 25 اکتوبر 2022 21:40

اسلام آباد (اُردو پوائنٹ اخبارتازہ ترین - این این آئی۔ 25 اکتوبر2022ء) اسپیکر قومی اسمبلی راجا پرویز اشرف نے تحریک انصاف کے رکن اسمبلی عبدالشکور شاد کو استعفے کی تصدیق کیلئے طلب کر لیا۔ایم این اے عبدالشکور شاد کو 27 اکتوبر دن 11 بجے اسپیکر چیمبر میں طلب کیا گیا ہے۔ عبدالشکورشاد کو اسلام آباد ہائیکورٹ کے حکم کی روشنی میں طلب کیاگیا ہے۔

(جاری ہے)

شکور شاد کراچی کے حلقہ این اے 246 لیاری سے عام انتخابات میں رکن اسمبلی منتخب ہوئے تھے۔

خیال رہے کہ عبدالشکور شاد نے بطور رکن قومی اسمبلی استعفے کے خلاف اسلام آباد ہائی کورٹ سے رجوع کیا تھا جس پر عدالت نے ان کے استعفے کا نوٹی فکیشن معطل کر دیا تھا۔19 اکتوبر کو اسلام آباد ہائی کورٹ نے الیکشن کمیشن کے شکور شاد کو ڈی نوٹیفائی کرنے کے حکم معطلی میں دو ہفتوں کی توسیع کی تھی۔