جعلی اقتدار سخت خطرے میں ، رانا ثنائاللہ کی بوکھلاہٹ ،خوف سمجھ میں آتا ہے‘محمود الرشید

ہر پاکستانی حقیقی آزادی کیلئے گھر سے نکل آیا ، لانگ مارچ کی نئی تاریخ رقم کریں گے ‘سینئر رہنما تحریک انصاف

جمعہ 28 اکتوبر 2022 21:32

جعلی اقتدار سخت خطرے میں ، رانا ثنائاللہ کی بوکھلاہٹ ،خوف سمجھ میں ..

لاہور (اُردو پوائنٹ اخبارتازہ ترین - این این آئی۔ 28 اکتوبر2022ء) سینئر راہنما پی ٹی آئی و صوبائی وزیر بلدیات میاں محمود الرشید نے عمران خان کے لانگ مارچ کی روانگی کے موقع پر ایک خصوصی بیان میں کہا ہے کہ پاکستان کے عوام لانگ مارچ کی نئی تاریخ رقم کریں گے کیونکہ ہر بچہ، بوڑھا، جوان حقیقی آزادی کے لیے پی ٹی آئی کا پرچم تھامے گھر سے نکل آیا ہے۔

میاں محمود الرشید نے کہا کہ اس لانگ مارچ نے لبرٹی چوک کو پاکستانی قوم کے لیے ریئل لبرٹی کا استعارہ بنا دیا ہے۔

(جاری ہے)

انہوں نے وفاقی وزیر داخلہ کی پریس کانفرنس کے ردعمل میں کہا کہ رانا ثنائاللہ کی گیدڑ بھبکیاں چند لمحوں کی مہمان ہیں۔ میاں محمود الرشید نے کہا کہ رانا ثنائاللہ کی بوکھلاہٹ اور خوف سمجھ میں آتا ہے کیونکہ اب اس کے راہنماؤں کا جعلی اقتدار سخت خطرے میں ہے۔ ان کا کہنا تھا کہ ہمارا لانگ مارچ رانا ثناء اللہ کو امپورٹڈ اور اوریجنل کا فرق بتا دے گا۔ انہوں نے کہا کہ پاکستانی عوام کے اس پرجوش جم غفیر نے نیلسن منڈیلا کے لانگ مارچ کی یاد تازہ کر دی ہے۔ میاں محمود الرشید نے اس عزم کو دہرایا کہ وہ آخری دم تک اپنے قائد عمران خان کے ساتھ کھڑے ہیں۔