آرمی چیف کی تقرری کا عمل دو سے تین روز میں مکمل ہوگا ، حکومت، فوج اور عدلیہ سمیت تمام ادارے آئین اور قانون کے صفحہ پر متحد ہیں، وزیر دفاع خواجہ محمد آصف
پیر 21 نومبر 2022 20:20
(جاری ہے)
ایک تقرری کے عمل پر پورے ملک میں ہیجان برپا کیا گیا ہے، عمران خان اپنے اقتدار کے لئے مختلف حربے اختیار کر رہے ہیں، اقتدار کے غم میں وہ پاگل ہوگئے ہیں اور ردعمل میں اپنے حربوں سے قوم اور ملک کے مفاد کو دائو پر لگا رہے ہیں۔
خواجہ آصف نے کہا کہ عمران خان بھول گئے ہیں کہ انہی اداروں نے چار برسوں تک انہیں غیر مشروط معاونت فراہم کی مگر اپنی حکومت میں وہ بھوک، غربت اور کرپشن کی وراثت کے علاوہ کچھ نہ چھوڑ سکے۔ عمران خان کو اداروں پر حملوں کی بجائے شرمندہ ہونا چاہیے کہ اداروں کے تعاون کے باوجود وہ عوام کے لئے کچھ نہ کر سکے۔ اس ایوان میں پی ٹی آئی کے ایک رکن نے مجھے بتایا کہ جب وہ عمران خان کے پاس فنڈز لینے کے لئے جاتے یا معیشت پر بات کرتے تو جواب میں وہ کہتے کہ ان چیزوں سے ووٹ نہیں ملتے، چور چور کہنے سے آپ کو ووٹ ملیں گے، یہ اس شخص کی پالیسی رہی ہے ، آج لوگ جی ٹی روڈ پر رل رہے ہیں جس سے عمران خان آن لائن خطاب کر رہے ہیں۔ وزیر دفاع نے کہا کہ آج وزارت دفاع کو وزیر اعظم کا خط موصول ہوا ہے جو جنرل ہیڈ کوارٹرز کو کمیونیکیٹ کردیا گیا ہے۔ دو تین روز میں یہ سارا معاملہ تکمیل کو پہنچے گا اور یہ ہیجان ختم ہوگا۔ اس کے ساتھ ساتھ ہم عمران خان کے ساتھ بھی دو دو ہاتھ کرلیں گے۔ خواجہ آصف نے کہا کہ آج ایک پروگرام کی ریکارڈنگ کے دوران حامد میر نے کہا کہ اس بندے کو بھارت نے ایک گولڈ میڈل دیا تھا اس نے وہ بھی بیچ دیا ہے۔ ہمیں اور پاکستان کے اشرافیہ کو اپنے گریبانوں میں جھانکنا چاہیے کہ کس طرح کے شخص کو برسر اقتدار لایا گیا۔ توشہ خانے سے ماضی کے حکمرانوں نے بھی تحفے لئے ہیں اس کا مکمل ریکارڈ موجود ہے مگر تحفے بیچنے والا یہ واحد شخص ہے جو پہلے تحفے بیچتا تھا اور وصول کردہ پیسوں سے اس تحفے کی قیمت جمع کراتا ہے۔ اس نے غیر ملکیوں سے تحائف کو کاروبار بنایا، ایسے شخص کو برسر اقتدار لانا پاکستان کے پاور سٹرکچر کے سارے شراکتداروں کے لئے لمحہ فکریہ ہے۔ وزیر دفاع نے کہا کہ قوم کے لئے بھی یہ بات لمحہ فکریہ ہے کہ لوگوں کی آنکھوں کے سامنے حقائق آرہے ہیں۔وزیر دفاع نے کہا کہ اقتدار سے آئینی طریقے سے نکالے جانے کے بعد پہلے انہوں نے کہا کہ امریکی سازش ہوئی ہے پھر خیال آیا کہ اس سے تو امریکہ ناراض ہوگا تو امریکہ کو بری الذمہ قرار دے دیا، پھر فوج اور اسٹیبلشمنٹ پر الزامات لگائے، اس سے بھی انکار کیا اب کہتا ہے کہ اسٹیبلشمنٹ نے انہیں نکالا نہیں مگر وہ انہیں نکالنے سے روک سکتے تھے۔ وزیر دفاع نے کہا کہ بطور سیاستدان ہم اس بات کو تسلیم کرتے ہیں کہ ہم مکمل طور پر عوامی توقعات پر پورا نہیں اترے مگر بیوروکریسی اور اسٹیبلشمنٹ کے ساتھ ساتھ میڈیا کو بھی دیکھنا چاہیے کہ انہوں نے اپنی ذمہ داریاں کس طرح ادا کی ہیں۔ وزیر دفاع نے کہا کہ آزادی اظہار رائے اور میڈیا کی آزادی ایک حقیقت ہے ۔جس طرح صبح سے ہیجان برپا کیا گیا ہے کسی نے اس کی تصدیق کی کوشش نہیں کی۔ میڈیا کے ادارے کمرشل ہوگئے ہیں، پیمرا قوانین کے مطابق تمام ٹی وی چینلز ایئرٹائم کا دس فیصد عوامی فلاح اور خدمات کے پیغامات کے لئے مخصوص کرنے کے پابند ہیں مگر ایسے پیغامات رات بارہ بجے کے بعد جب پوری قوم سو رہی ہوتی ہے ٹی وی چینلز پر دکھائے جاتے ہیں۔ وزیر دفاع نے کہا کہ پاک فوج کے ہاتھوں میں ہمارے ملک کا تحفظ ہے۔ فوج نے سیاست سے علیحدگی کی بات کی ہے۔ حکومت، فوج اور عدلیہ سمیت تمام ادارے آئین اور قانون کے تحت سب ایک صفحہ پر ہیں۔ وہ صفحہ مفادات کا نہیں آئین اور قانون کا صفحہ ہوگا۔مزید قومی خبریں
-
ایرانی صدر کی کراچی آمد،سکیورٹی ڈویژن کے 800سے زائد اہلکارتعینات
-
ایبٹ آباد میں پروٹیکٹوریٹ آف امیگرینٹس کا دفتر جون 2024ء سے اپنا کام شروع کر دے گا، اعظم نذیرتارڑ
-
وفاقی حکومت کی طرف سے منڈا، داسو اور دیامر بھاشا ڈیموں کے منصوبوں کی تعمیر پر کام جاری ہے، یہ بروقت مکمل ہونگے، اعظم نذیر تارڑ
-
ای بائیکس پورٹل کے ذریعے 1 لاکھ سے زائد طلبہ نے رجسٹریشن کروالی
-
پتوکی،مسلح ملزمان 22سالہ لڑکی کو اسلحہ کے زور پر اغوا کرکے فرار
-
سعد رفیق کا اپنی پرانی تقریر ایڈٹ کرکے جاری کرنے پر قانونی کارروائی کا اعلان
-
راولپنڈی ،چوری کی وارداتوں میں مطلوب دو ملزمان گرفتار
-
وزیراعلیٰ پنجاب نے صوبائی انفورسمنٹ اتھارٹی کے قیام کی منظوری دیدی
-
پاکستان چھوڑنے والے غیرقانونی افغانیوں کی تعداد 5لاکھ 42ہزار سے متجاوز
-
ایران سے سالانہ بنیادوں پر درآمدات میں 25فیصد کا بڑا اضافہ
-
لاہور : بارش سے بجلی کا ترسیلی نظام متاثر، 46 سے زائد فیڈر ٹرپ کر گئے
-
صوبائی وزیر صحت کی زیر صدارت فاطمہ جناح میڈیکل یونیورسٹی کا سینڈیکیٹ اجلاس
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.