عمران نے شہباز کے منتخب آرمی چیف کی حمایت کرکے اچھا کیا، خواجہ آصف

جمعہ 25 نومبر 2022 23:38

اسلام آباد (اُردو پوائنٹ اخبارتازہ ترین - این این آئی۔ 25 نومبر2022ء) وزیر دفاع خواجہ آصف نے کہا ہے کہ پی ٹی آئی چیئرمین عمران خان نے شہباز شریف کے منتخب آرمی چیف کی حمایت کرکے اچھا کیا۔

(جاری ہے)

پارلیمنٹ ہائوس کے باہر میڈیا سے گفتگو کرتے ہوئے خواجہ آصف نے کہا کہ عمران خان نے آج تک جو بھی معاملہ اٹھایا خود اس سے پیچھے ہٹ گئے، ان کی حقیقت ان کے ورکرز کے سامنے آگئی ہے۔خواجہ آصف نے کہا کہ آرمی چیف کی تعیناتی پر عمران خان نے وزیراعظم شہباز شریف کی حمایت کرکے اچھا کیا۔وزیر دفاع نے کہا کہ عمران خان اگر یہ رویہ اپنائیں تو سیاست میں استحکام آسکتا ہے۔انہوں نے کہا کہ سیاستدان لڑتے رہیں تو دوسرے اداروں کو مداخلت کا موقع ملتا ہے۔