جدہ میں سیلابی نقصان کے معاوضے کیلئے ویب سائٹ لانچ کردی گئی

حکام نے بتایا کہ آٹھ گھنٹے تک جاری رہنے والی بارش کے باعث دو اموات بھی ہوئیں، اس حوالے سے سعودی سول ڈیفنس نے کہا کہ نئی ویب سائٹ ہرجانے کا دعویٰ کرنے والوں سے درخواستیں وصول کرے گی، دعویداروں کو ذاتی طور پر پیش ہونے کی ضرورت نہیں ہے، انہیں ذاتی طور پر ظاہر ہونے کی ضرورت کے بغیر لنک https://my.998.gov.sa/damagereport/ کے ذریعے متعلقہ دستاویزات کے ساتھ درخواست دینی ہوگی۔

(جاری ہے)

سعودی عرب میں شدید بارشوں کے بعد انشورنس کمپنیوں کا اہم اعلان سامنے آیا، جس کے تحت بارش اور سیلاب کے نتیجے میں گاڑیوں کو پہنچنے والے نقصان کا احاطہ جامع انشورنس سے کیا جائے گا، سعودی انشورنس کمپنیوں کے ترجمان عادل العیسیٰ نے کہا کہ بارش سمیت قدرتی آفات سے ہونے والے نقصان کا معاوضہ ادا کیا جائے گا، گاڑیوں کی انشورنس پالیسیوں میں انشورنس کوریج کی حد 10 ملین سعودی ریال ہے اور بارش کی صورت میں بیمہ شدہ گاڑیوں کو جامع انشورنس کے ذریعے کور کیا جائے گا۔

انہوں نے وضاحت کی کہ گاڑیوں کا معاوضہ نقصان کی شدت پر منحصر ہے، اگر گاڑیاں قابل مرمت ہیں تو کوریج مرمت کے کام کے لیے ہوگی اور اگر گاڑی کو ناقابل تلافی نقصان پہنچا تو گاڑی کی مارکیٹ ویلیو یا انشورنس ویلیو کے مطابق معاوضہ دیا جائے گا، بیمہ کمپنیوں کے لیے یہ لازمی ہے کہ وہ سعودی حکومت کی ہدایات کے تحت جنوری 2018ء سے جامع انشورنس رکھنے والی گاڑیوں کے لیے قدرتی آفات کے خلاف انشورنس کوریج دیں۔

انشورنس اور ری بیمہ کے امور کے معاشی مشیر نے نشاندہی کی کہ بیمہ شدہ گاڑی کے نقصان کے حوالے سے انشورنس کوریج کی حد وہ حد ہے جو بیمہ کنندہ نے مقرر کی تھی، جو گاڑی کی قیمت کے برابر ہے جہاں تک گاڑی کے نتیجے میں کسی تیسرے فریق کو پہنچنے والے نقصان کی کوریج کا تعلق ہے، تو اس کی زیادہ سے زیادہ حد 10 ملین سعودی ریال ہے، جو جسمانی چوٹ اور املاک کے نقصان کے درمیان مساوی طور پر تقسیم ہوتی ہے۔