عمران خان نے پارٹی رہنمائوں کو اداروں پر تنقید نہ کرنے کی ہدایت کر دی

اداروں کے خلاف نہ ہم پہلے تھے نہ مستقبل میں انکے خلاف مہم کا حصہ بنیں گے‘ ترجمان پنجاب حکومت مسرت چیمہ

جمعہ 2 دسمبر 2022 22:12

عمران خان نے پارٹی رہنمائوں کو اداروں پر تنقید نہ کرنے کی ہدایت کر دی

لاہور(اُردو پوائنٹ اخبارتازہ ترین - این این آئی۔ 02 دسمبر2022ء) ترجمان وزیر اعلیٰ و پنجاب حکومت مسرت جمشید چیمہ نے کہا ہے کہ پارٹی چیئرمین عمران خان نے پارٹی رہنمائوں کو اداروں پر تنقید نہ کرنے کی ہدایات کی ہیں۔

(جاری ہے)

اپنے ویڈیو بیان میں مسرت جمشیدچیمہ نے کہا کہ اداروں کے خلاف نہ ہم پہلے تھے نہ مستقبل میں ان کے خلاف مہم کا حصہ بنیں گے۔ ایک شخص نے جو کیا سب کو پتہ ہے اوراب وہ ماضی کا حصہ ہے۔ کسی فرد کے بارے میں ہمیں آئین اور قانون اپنی رائے رکھنے کا حق دیتا ہے۔ ہم اداروں کے خلاف کسی منفی پراپیگنڈا کا حصہ نہ پہلے تھے اور نہ آئندہ بنیں گے۔عمران خان اداروں کی مضبوطی اور قانون کی بالا دستی کی بات کرتے ہیں۔