جو روٹ کی پاکستان کیخلاف لیفٹ ہینڈ بیٹر بن کر بیٹنگ، ویڈیو وائرل

جو روٹ نے دوسری اننگز میں پاکستان کے خلاف 69گیندوں پر 73 رنز کی تیز اننگز بھی کھیلی

اتوار 4 دسمبر 2022 18:05

جو روٹ کی پاکستان کیخلاف لیفٹ ہینڈ بیٹر بن کر بیٹنگ، ویڈیو وائرل

راولپنڈی (اُردو پوائنٹ اخبارتازہ ترین - این این آئی۔ 04 دسمبر2022ء) انگلش ٹیم کے مڈل آرڈر بیٹر جو روٹ پاکستان کے خلاف پنڈی ٹیسٹ کی دوسری اننگز میں رائٹ ہینڈ کے بجائے لیفٹ ہینڈ بیٹر کی طرح بیٹنگ کرتے بھی نظر آئے۔پاکستان کے خلاف پنڈی ٹیسٹ میں جو روٹ کو متعدد مواقع پر ریورس سوئپ شاٹس کھیلتے دیکھا گیا اور دوسری اننگز میں جو روٹ نے 69گیندوں پر 73 رنز کی تیز اننگز بھی کھیلی۔

(جاری ہے)

دوسری اننگز کے چوتھے روز ایک موقع پر جو روٹ پاکستانی لیگ اسپنر زاہد محمود کی گیند پر لیفٹ ہینڈ بیٹر کے طور پر بھی سامنے آئے۔جو روٹ زاہد محمود کے چھٹے اوور میں رائٹ ہینڈ بیٹر کے بجائے لیفٹ ہینڈ بیٹر بن کر کھیلے اور انہوں نے شاٹ کھیل کر ایک رن بھی لیا۔خیال رہے کہ انگلینڈ نے پاکستان کو پنڈی ٹیسٹ جیتنے کے لیے 383 رنز کا ہدف دیا جواب میں پاکستانی ٹیم نے دو کٹوں کے نقصان پر 80رنز بنا لئے ، ابھی کھیل میں ایک مزید روز باقی ہے۔