ٰلاہور،اسلامی بینکاری معاشرتی خوشحالی کا پیغام، سودی نظام غریب کا معاشی قتل ہے، علامہ مرید نقوی

سودی نظام کے خاتمے کے عدالتی حکم کے بعد اسلامی بینکاری نافذ کی جائے، سود اللہ اور اس کے رسول سے جنگ کے مترادف ہے ھ* اسلامی مملکت میں سودی نظام بینکاری کا جاری رہنا افسوسناک ہے، نائب صدر وفاق المدارس

اتوار 4 دسمبر 2022 20:10

ئ لاہور (اُردو پوائنٹ اخبارتازہ ترین - آن لائن۔ 04 دسمبر2022ء) وفاق المدارس الشیعہ پاکستان کے نائب صدر علامہ سید مرید حسین نقوی نے کہا ہے کہ سودی نظام کے خاتمے کے عدالتی حکم اور اس کے خلاف اپیل واپس لینے کے حکومتی اعلان کے بعد اسلامی بینکاری کے عملی اقدامات کی فی الفور ضرورت ہے۔ مولانا فضل الرحمان حکمران اتحاد پی ڈی ایم کے سربراہ اوران کی جماعت حکومت کا حصہ ہیں، وفاقی وزیر مذہبی امور اور گورنر خیبر پختونخوا کا تعلق بھی جے یو آئی سے ہے، وفاقی وزیر خزانہ مسلم لیگ ن سے تعلق رکھتے ہیں تو سودی نظام کے خاتمے میں دیر کس بات کی ہی سودی نظام کے خاتمے کا باقاعدہ اعلان اور اسلامی نظام بینکاری نافذ کیا جائے۔

قرآن کے مطابق سود اللہ اور اس کے رسول سے جنگ کے مترادف ہے۔

(جاری ہے)

اسلامی مملکت میں سودی نظام بینکاری کا جاری رہنا افسوسناک ہے۔ ہمیں آگے بڑھنے کی ضرورت ہے۔ اسلامی بینکاری معاشرتی خوشحالی کا پیغام ہے۔ دراصل حکمران قرآن کو مانتے ہیں مگر حکم قرآن کو نہیں مانتے۔ اگر واقعی حکم قرآن مانتے ہوتے تو اب تک سودی نظام کا خاتمہ ہو چکا ہوتا مگر ایسا نہیں ہوا ۔

میڈیا سیل کی طرف سے جاری بیان میں علامہ مرید نقوی نے کہا کہ وہ 21 سال یورپ میں رہے ہیں، جیسا ظالمانہ سودی نظام پاکستان میں نافذ ہے، مغرب میں بھی نہیں ہے۔ ہم شاہ سے زیادہ شاہ کے وفادار ثابت ہوئے ہیں۔ سودی نظام کو اللہ اور رسول سے جنگ اس لیے قرار دیا گیا کہ سود غریبوں کی موت بن کر آتا ہے۔ سودی نظام غریب کے معاشی قتل کا باعث ہی