جدہ سے اندرون ملک کم قیمت پروازیں شروع

ویزایئر کا یکطرفہ کم از کم کرایہ 79 ڈالر (299 ریال) ہے، ویز ایئر کی پروازیں شمالی ٹرمینل سے آپریٹ کی جارہی ہیں

پیر 5 دسمبر 2022 12:27

جدہ سے اندرون ملک کم قیمت پروازیں شروع
ریاض(اُردو پوائنٹ اخبارتازہ ترین - این این آئی۔ 05 دسمبر2022ء) سعودی عرب کے شہر جدہ سے ویز ایئر کی سستی پروازیں شروع کردی گئیں جن کی ابتدائی قیمت صرف 299 ریال ہے۔جدہ کے کنگ عبد العزیز انٹرنیشنل ایئرپورٹ سے 7 یورپی ممالک کے لیے لو بجٹ ایئر لائن ویز ایئر کی پروازیں شروع ہوگئیں۔ویز ایئر کا یکطرفہ کم از کم کرایہ 79 ڈالر (299 ریال) ہے، ویز ایئر کی پروازیں شمالی ٹرمینل سے آپریٹ کی جارہی ہیں۔

(جاری ہے)

ویز ایئر نے سعودی عرب میں آپریشنل کارروائی کی شروعات ستمبر میں کی تھی، اس میں سستی 10 لاکھ سے زیادہ نشستیں مہیا ہیں، مملکت سے بخارسٹ، بڈاپسٹ، کاتانیا، رتکا، میلانو، نیپلز، روم، ترانا، قرنا، وینس اور ویانا جیسے ہوائی اڈوں کے لیے پروازیں چلائی جارہی ہیں۔سعودی محکمہ سیاحت نے محکمہ شہری ہوا بازی، مطارات القابضہ کمپنی اور فضائیہ کو جوڑنے والے پروگرام کے تعاون سے ویز ایئر کے اسٹیشنوں کا افتتاح کیا ہے۔مملکت سے 20 نئے یورپی یوائی اڈوں کے لیے ویز ایئر کی پروازیں مہیا کی گئی ہیں، یہ ریاض، جدہ اور دمام سے چلائی جارہی ہیں۔