ض*ٹھٹھہ،کے الیکٹرک کی جانب سے گھارو سٹی میں ایک روزہ فری آئی کیمپ کا انعقاد

بدھ 7 دسمبر 2022 20:10

لله ٹھٹھہ(اُردو پوائنٹ اخبارتازہ ترین - آن لائن۔ 07 دسمبر2022ء) کے الیکٹرک کی جانب سے گھارو سٹی میں ایک روزہ فری آئی کیمپ کا انعقاد کیا گیا۔ تفصیلات کے مطابق ٹھٹہ کے علاقے گھارو سٹی میں کے الیکٹرک اپنے صارفین کو بجلی کے بلوں میں مختلف اسکیموں کے ذریعے رعایتیں فراہم کرنے کے ساتھ ساتھ انکی صحت کا بھی خیال رکھتی ہے جسکے لیے بروز پیر گھارو شہر میں کے الیکٹرک ایک روزہ فری آئی کیمپ لگا رہی ہے۔

کے الیکٹرک کے مارکیٹنگ منیجر اطہر احمد نے پریس کلب گھارو میں پریس کلب کے صدر ذوالفقار خاصخیلی سے گفتگو کرتے ہوئے کہا کہ کے الیکٹرک اپنے صارفین کے بقایاجات کی ادائیگیوں میں مختلف اسکیموں کے ذریعے سہولیات مہیا کرتا رہا ہے تاکہ صارف اپنا بل وقت پر ادا کرسکے۔

(جاری ہے)

انہوں نے مزید کہا کہ کے الیکٹرک کو اپنے صارفین کی صحت کا خیال ہے جہاں کے الیکٹرک بارہ 12 دسمبر کو گھارو میں ایک روزہ مفت آئی کیمپ کا انعقاد کررہی ہے جہاں کراچی کے ماہر آئی اسپیشلسٹ ڈاکٹرز مریضوں کا معائنہ کریں گے اور انہیں ادویات دی جائینگی جبکہ نظر کے چشمے دینے کے ساتھ ساتھ آپریشن کی صورت میں انہیں آپریشن کی تاریخ بھی دی جائیگی جو کہ کراچی ڈھائی نمبر میں واقع ہسپتال میں مفت کیا جائے گا انہوں نے مزید کہا کہ کے الیکٹرک کے صارفین کوشش کریں کہ وہ بجلی کے بل وقت پر ادا کریں اور جو صارف گزشتہ کافی عرصے سے بل ادا نہیں کررہے ہیں وہ پیر کے روز لگنے والے کیمپ میں دی جانے والی اسکیم سے استفادہ حاصل کریں اور کے الیکٹرک اسکیم کے تحت ادائیگی کرسکتے ہیں