بابر کو اس لیے شادی کیلئے راضی نہیں کرتا کہیں ہماری جوڑی نہ ٹوٹ جائے: محمد رضوان

ہماری جوڑی میں ساری بات صرف بھروسے کی ہے جس کے بارے میں کپتان نے بھی بات کی ہے: وکٹ کیپر بلے باز

ذیشان مہتاب جمعرات 8 دسمبر 2022 16:38

بابر کو اس لیے شادی کیلئے راضی نہیں کرتا کہیں ہماری جوڑی نہ ٹوٹ جائے: ..

لاہور (اردو پوائنٹ تازہ ترین اخبار ۔ 8 دسمبر 2022ء ) پاکستان کے وکٹ کیپر بیٹر محمد رضوان نے کہا ہے کہ کپتان بابر اعظم کو جوڑی ٹوٹنے کے ڈر سے شادی کے لیے راضی نہیں کرتا۔ سوشل میڈیا پر محمد رضوان کی قومی ٹیم کے اعزاز میں دیے گئے عشائیے سے ایک ویڈیو وائرل ہورہی ہے جس میں پروگرام میزبان نے محمد رضوان سے بابر اور ان کی جوڑی سے متعلق سوال کیا کہ ایسا کیا ہے کہ آپ کی اور بابر کی جوڑی میں جو یہ چل جائے تو سب ٹھیک رہتا ہے۔

(جاری ہے)

جس کے جواب میں رضوان کا ہنستے ہوئے کہنا تھا کہ پہلے تو میں بابر کو شادی کے لیے راضی نہیں کر رہا کہ کہیں میری اور بابر اعظم کی جوڑی نہ ٹوٹ جائے، دوسرا یہ کہ ہماری جوڑی میں ساری بات صرف بھروسے کی ہے جس کے بارے میں کپتان نے بھی بات کی ہے۔