شاہین آفریدی جلد از جلد میدان میں واپسی کیلئے کوشاں

تین چار روز سے ری ہیب کر رہا ہوں، بہتر محسوس کر رہا ہوں : فاسٹ بولر

ذیشان مہتاب جمعرات 8 دسمبر 2022 17:20

شاہین آفریدی جلد از جلد میدان میں واپسی کیلئے کوشاں

لاہور (اردو پوائنٹ تازہ ترین اخبار ۔ 8 دسمبر 2022ء ) قومی کرکٹ ٹیم کے لیفٹ آرم فاسٹ بولر شاہین شاہ آفریدی نے کہا کہ وہ کوشش کر رہے ہیں کہ جلد میدان میں واپسی ہو۔ فاسٹ بولر شاہین شاہ آفریدی کا نیشنل ہائی پرفارمنس سینٹر لاہور میں ری ہیب جاری ہے۔ شاہین آفریدی گھٹنے کی تکلیف سے دوچار ہیں۔ تین ہفتے قبل شاہین آفریدی کا اپینڈکس کا آپریشن بھی ہوا تھا۔

شاہین شاہ آفریدی کو گھٹنے کی تکلیف سے نجات کے لیے ری ہیب تجویز کیا گیا تھا۔

(جاری ہے)

فاسٹ بولر کا کہنا ہے کہ تین چار روز سے ری ہیب کر رہا ہوں، بہتر محسوس کر رہا ہوں۔ انہوں نے مزید کہا کہ کوشش کر رہا ہوں کہ جلد میدان میں واپسی ہو۔ شاہین آفریدی نے کہا کہ فینز سے کہوں گا جس طرح راولپنڈی میں قومی ٹیم کو سپورٹ کیا اسی طرح ملتان میں سپورٹ کریں اور ہم یہ ٹیسٹ میچ جیتیں۔