تسنیم حیدر کا نواز شریف پر الزام جھوٹا ہے‘اعتزاز احسن

ارشد شریف کا موبائل اور لیپ ٹاپ مل گیا تو کیس8دن میں حل ہو جائیگا

جمعرات 8 دسمبر 2022 18:04

تسنیم حیدر کا نواز شریف پر الزام جھوٹا ہے‘اعتزاز احسن

لاہور(اُردو پوائنٹ اخبارتازہ ترین - این این آئی۔ 08 دسمبر2022ء) پاکستان پیپلز پارٹی کے سینئر رہنما اعتزاز احسن نے کہا ہے کہ وہ سمجھتے ہیں کہ ارشد شریف کے قتل سے متعلق تسنیم حیدر کا نواز شریف پر الزام جھوٹا ہے،اس بیان کی وجہ سے نواز شریف پاکستان آنے سے متعلق 100 بار سوچیں گے۔میڈیا سے گفتگو کرتے ہوئے انہوں نے کہا کہ اب کیس لندن میں بھی بنے گا جہاں ایسے بیان کو سنجیدہ لیا جاتا ہے۔

(جاری ہے)

اعتزاز احسن نے کہا کہ تسنیم حیدر کا بیان نواز شریف کے لیے بہت خطرناک ہے، اسکاٹ لینڈ یارڈ لندن میں بھی ان سے سوال کرے گی۔انہوںنے کہا کہ پولیس کی مدعیت میں اسلام آباد میں ارشد شریف کا مقدمہ درج کر کے خراب کر دیا گیا،قتل اور تشدد دیکھ کر محسوس ہوتا ہے کہ قاتل کو ارشد شریف پر بہت غصہ تھا۔کیس میں زیادہ پیچیدگیاں نہیں، موبائل اور لیپ ٹاپ مل گیا تو 8 دن میں حل ہو جائے گا۔انہوںنے کہا کہ یہ روایت چل پڑی ہے کہ کسی کی دل آزاری ہوتی ہے تو وہ 100 جگہوں پر پرچے کرا دیتا ہے، ایسا ہی بڑے میڈیا گروپ کے میر شکیل الرحمن کے ساتھ بھی ہوا، اب اعظم سواتی کے ساتھ بھی ہو رہا ہے۔