چین، ہوائی جہاز سی 919 باضابطہ طور پر چائنا ایسٹرن ایئرلائنز کے حوالے کر دیا گیا

جمعہ 9 دسمبر 2022 15:55

بیجنگ (اُردو پوائنٹ اخبارتازہ ترین - این این آئی۔ 09 دسمبر2022ء) دنیا کا پہلا سی 919 مسافر بردار ہوائی جہاز باضابطہ طور پر چائنا ایسٹرن ایئرلائنز کے حوالے کر دیا گیا۔ اس کے ساتھ ، کمرشل ایئرکرافٹ کارپوریشن آف چائنا نے چائنا ایسٹرن ایئر لائنز کو "سی 919 کی یادگاری چابی" دی اور ہوائی جہاز کی فروخت کا سرٹیفکیٹ جاری کیا۔

(جاری ہے)

جمعہ کے روز چینی میڈ یا کے مطا بق سی 919 بڑا مسافربردار طیارہ حقیقی معنوں میں چین کا تیار کردہ سول ایوی ایشن کا پہلا بڑا طیارہ ہے۔

پہلے سی 919 طیارے کی فراہمی چین کی بڑے ہوائی جہاز کی صنعت کے سفر میں ایک اور اہم سنگ میل ہے ، جس کا مطلب ہے کہ کئی نسلوں کی کوششوں کے بعد ، چین کی شہری ہوا بازی کی مارکیٹ میں مکمل طور پر چین کا تیار کردہ پہلا جیٹ ٹرنک طیارہ استعمال میں لایا گیا ہے۔