اگر پرویز الٰہی نے پنجاب اسمبلی توڑدی تو کیا حکمت عملی بنائی جائی ،حکمران اتحاد کی سینئر قیادت نے سر جوڑ لئے

حکمران اتحاد نے مختلف آپشنز پر غور شروع کردیا، ہر صورت کوشش کی جائے کہ پرویز الٰہی کو انگیج کیا جائے، حکومتی ذرائع

جمعہ 9 دسمبر 2022 17:42

اگر پرویز الٰہی نے پنجاب اسمبلی توڑدی تو کیا حکمت عملی بنائی جائی ،حکمران ..

اسلام آباد (اُردو پوائنٹ اخبارتازہ ترین - این این آئی۔ 09 دسمبر2022ء) اگروزیر اعلیٰ پنجاب پرویز الٰہی نے پنجاب اسمبلی توڑدی تو کیا حکمت عملی بنائی جائی ،حکمران اتحاد کی سینئر قیادت نے سر جوڑ لئے ۔ ذرائع کے مطابق حکمران اتحاد نے مختلف آپشنز پر غور شروع کردیا، ہر صورت کوشش کی جائے کہ پرویز الٰہی کو انگیج کیا جائے۔ ذرائع کے مطابق حکمران اتحادی کی جانب سے تجویز دی گئی وزیراعلیٰ پنجاب کو انگیج کرنے کیلئے چوہدری شجاعت کو ٹاسک دیا جائے۔

حکومتی ذرائع کے مطابق موجودہ صورتحال میں آصف زرداری کا کردار اہم ہوگا، پنجاب و پختون خواہ اسمبلیاں ٹوٹنے اور باقی دو صوبوں سے پی ٹی آئی کے جانے بحران پیدا ہوجائیگا۔ پی ٹی آئی ذرائع کے مطابق پی ٹی آئی چاہتی ہے کہ پنجاب اور پختون خواہ کے انتخابات ہوجائیں، دو صوبوں میں انتخابات ہونے کے بعد ہم حکومت بنالیں گے۔

(جاری ہے)

پی ٹی آئی ذرائع کے مطابق پی ٹی آئی صوبائی حکومتیں بننے سے قومی اسملی انتخابات میں نشستیں زیادہ حاصل کرنا آسان ہوگا، ،خالی ہونے والے قومی و صوبائی حلقوں کیلئے انتخابات کرانے کیلئے 20 ارب درکار ہونگے۔

حکومتی ذرائع کے مطابق موجودہ سیاسی منظرنامے میں پرویز الٰہی کی اہمیت بڑھ گئی ہے، اگر پرویز الہیٰ اسمبلی نہیں توڑتے تو پی ٹی آئی ارکان کے مستفی ہونے کا آپشن موجود ہے۔ذرا ئع کے مطابق پنجاب اسمبلی کے ارکان کو استعفے دلانے کا فی الحال کوئی فیصلہ نہیں ہوا، پنجاب میں موجودہ صورتحال کو برقرار رکھنے کیلئے آصف زرداری کا کردار اہم ہوگا۔ پیپلز پارٹی ذرائع کے مطابق آصف زرداری اسلام آباد میں موجود ہیں، اور تمام فریقین سے رابطے میں ہیں، آصف زرداری لاہور جانے کا پلان بنا رہے ہیں۔