اللہ کا شکر ہے خیبرپختونخوا کی عوام کو نااہل اور کرپٹ ٹولے سے نجات ملی،امیرمقام

دس سال میں خیبرپختونخوا کی عوام کو عمران نیازی اور پی ٹی آئی نے صرف مایوس کیا ، مشیروزیراعظم

بدھ 18 جنوری 2023 20:46

پشاور(اُردو پوائنٹ اخبارتازہ ترین - این این آئی۔ 18 جنوری2023ء) خیبرپختونخوا اسمبلی تحلیل ہونے پر وزیر اعظم کے مشیر امیرمقام نے کہاہے کہ اللہ کا شکر ہے کہ خیبرپختونخوا کی عوام کو نااہل اور کرپٹ ٹولے سے نجات ملی ، دس سال میں خیبرپختونخوا کی عوام کو عمران نیازی اور پی ٹی آئی نے صرف مایوس کیا۔

(جاری ہے)

وزیر اعظم کے مشیر اور مسلم لیگ (ن )خیبرپختونخواکے صدر امیر مقام نے اپنے بیان میں ردعمل دیتے ہوئے کہاکہ اللہ تعالیٰ کا شکر ہے کہ خیبرپختونخوا کی عوام کو نااہل اور کرپٹ ٹولے سے نجات ملی۔

انہوںنے کہاکہ دس سال میں 350 ڈیمز بن سکے، نہ صوبے کی معیشت خود انحصاری کی منزل حاصل کرسکی، وفاق، پنجاب اور خیبرپختونخوا میں اتنے سال میں پی ٹی آئی کوئی ایک بڑا منصوبہ بھی نہ بنا سکی۔انہوںنے کہاکہ اپنے دور حکومت میں پی ٹی آئی نے خیبر پختونخوا کے ہیلی کاپٹر کا ناجائز اور بے رحمانہ استعمال کیا گیا ۔ امیر مقام نے کہاکہ اسمبلیاں تحلیل کرنے والوں کو سیاسی طور پر تحلیل کردیں گے۔