ٹیکسلا، گیس لیکیج دھماکے میں 2 بچے جاں بحق، ماں سمیت 3 افراد جھلس گئے

غیر اعلانیہ لوڈشیڈنگ کے باعث والو کھلا رہ جانے سے کمرے میں گیس بھر گئی

جمعرات 26 جنوری 2023 21:37

ٹیکسلا(اُردو پوائنٹ اخبارتازہ ترین - آن لائن۔ 26 جنوری2023ء) ٹیکسلا کے محلہ صدیق آباد ڈھوک پراچہ میں گیس لیکیج سے ہونے والے دھماکے میں 2 بچے جاں بحق ہو گئے، جب کہ واقعے میں ماں سمیت تین افراد جھلس کر زخمی ہو گئے۔علاقے میں گیس کی غیر اعلانیہ لوڈشیڈنگ کے باعث والو کھلا رہ جانے سے کمرے میں گیس بھر گئی۔

(جاری ہے)

اہل خانہ کے ماچس جلانے پر اچانک دھماکا ہوگیا، جس کے نتیجے میں آگ بھڑک اٹھی۔

بعد ازاں ریسکیو 1122 کی امدادی ٹیم نے فوری کارروائی کرتے ہوئے آگ پر قابو پایا۔امدادی ٹیم کے مطابق گیس لیکیج سے ہونے والے دھماکے میں 5 سالہ سودیس اور 4 سالہ اویس جھلس کر جاں بحق ہو گئے جب کہ بچوں کی والدہ ، سب سے چھوٹا بچہ اور ایک بزرگ بری طرح جھلس کر زخمی ہو گئے۔ابتدائی امدادی کارروائی کے بعد جاں بحق اور زخمیوں کو اسپتال منتقل کیا گیا۔