شارجہ کرکٹ اسٹیڈیم بلے بازوں کے لئے چھوٹا پڑگیا

بلند و بالا چھکوں سے گیند سٹیڈیم سے باہرجا گری ، سوشل میڈیا پر ویڈیو وائرل

منگل 31 جنوری 2023 16:47

شارجہ کرکٹ اسٹیڈیم بلے بازوں کے لئے چھوٹا پڑگیا

شارجہ (اُردو پوائنٹ اخبارتازہ ترین - این این آئی۔ 31 جنوری2023ء) متحدہ عرب امارات کے شارجہ کرکٹ اسٹیڈیم میں انٹرنیشنل ٹی ٹونٹی لیگ کے میچ میں 2 بلند و بالا چھکے مارے گئے جو گرائونڈ سے باہر جاگرے۔انٹرنیشنل ٹی ٹونٹی لیگ کے 21 ویں میچ میں انگلش کھلاڑی ڈین موسلے نے چھکا مارا جس کی گیند گرائونڈ سے باہر سڑک پر گری۔

(جاری ہے)

اس موقع پر سڑک پر موجود شخص گیند اٹھا کر وہاں سے چلتا بنا جس کے بعد دوسری گیند سے میچ شروع کیا گیا۔

اس کے بعد ویسٹ انڈیز سے تعلق رکھنے والے کیرون پولارڈ نے بھی ایک چھکا مار اجو پھر گرائونڈ سے باہر گیا تاہم اس مرتبہ سڑک پر موجود شخص نے گیند واپس گرائونڈ میں پھینک دی۔سوشل میڈیا پر اس میچ میں پیش آئے ان 2 دلچسپ واقعات کی ویڈیو سوشل میڈیا پر وائرل بھی ہورہی ہے۔واضح رہے کہ اس سے قبل بھی کرکٹ میچز کے دوران اس طرح کے کئی واقعات ہوچکے ہیں۔