احسن اقبال نے پنجاب اور کے پی میں پرانی مردم شماری کی بنیاد پر الیکشن کرانے کا امکان مسترد کردیا
عمران خان حکومت نے ہی فیصلہ کیا تھا کہ انتخابات نئی مردم شماری کی بنیاد پر ہو گے،ایسا نہیں ہوسکتا کہ دو اسمبلیوں کے انتخابات پرانی اور باقیوں کے انتخابات نئی ی مردم شماری کی بنیاد پر ہوں ، وفاقی وزیر
جمعہ 3 فروری 2023 22:46
(جاری ہے)
عمران خان کی گرفتاری سے متعلق سوال پر وفاقی وزیر منصوبہ نے کہا کہ حکومت کا کسی کو گرفتار کرنے کا کوئی ارادہ نہیں ہے،اگر کسی نے کوئی جرم کیا ہے اور قانون نے گرفت میں لینا ہے تو قانون آزاد ہے۔
حکومت کا کوئی بھی انتقامی ایجنڈا نہیں ہے۔قبل ازیں برٹش کونسل کے زیر اہتمام پاکستان۔اگلا جنریشن 2023 رپورٹ کے حوالے سے تقریب سے خطاب کرتے ہوئے احسن اقبال نے کہا کہ آج پاکستان دنیا کی کم عمر ترین آبادی کے حامل ملکوں میں سے ایک ہے،اس کا زیادہ تر حصہ نوجوانوں پر مشتمل ہے جو ترقی یافتہ پاکستان کا مستقبل ہے، اگر ہم نوجوانوں میں سرمایہ کاری کرنے میں ناکام رہتے ہیں اور اگر وہ ایسے مواقع سے محروم رہتے ہیں تو مایوسی کا باعث بن سکتے ہیں۔نوجوان بڑا ثاثہ ہیں، ہمیں انہیں ہنر اور طاقت دینا ہوگی۔انہوں نے کہا کہ نوجوانوں کو بااختیار بنایا جائے جس کے لیے ہمیں اس ٹیکنالوجی کو اپنانا ہوگا۔انہوں نے کہا کہ ینگ ڈویلپمنٹ فیلوز کا مقصد عوامی پالیسی کا تجربہ فراہم کرنا اور انہیں اس بارے میں بتانا ہے کہ حکومتی پالیسیاں کیسے وضع کی جاتی ہیں،40 نوجوان فیلوز وزارت منصوبہ بندی سے منسلک ہیں،وڑن 2025 کے تحت ملک کو ٹاپ 20 معیشتوں میں شامل کرنے کے ہدف کے ساتھ سفر شروع کیا تھالیکن ہمارا سفر روک دیا گیا۔ انہوں نے نوجوانوں کو مشورہ دیا کہ وہ ملک کی ترقی میں اپنا کردار ادا کریں۔انہوں نے کہا کہ ہمارے پاس دنیا کے بہترین دماغ بھی ہیں لیکن اس کی بنیادی وجہ یہ ہے کہ ہم پائیدار اور مستحکم جمہوری نظام قائم کرنے میں ناکام رہے، وہ ممالک جہاں پالیسیوں اور حکومتوں کا تسلسل ہے وہ قومیں کامیاب ہیں۔انہوں نے کہا کہ اس بات کو یقینی بنانے کے لیے نوجوانوں کو سماجی ،سیاسی ومعاشی ماحول دیا جائے، تمام سٹیک ہولڈرز بشمول اسٹیبلشمنٹ، سیاست دان اور عدلیہ نوجوانوں کو نظام میں پائی جانے والی خامیوں کو دور کرکے ایک پائیدار نظام بنانے میں کردار ادا کرنا چاہیے۔انہوں نے کہا کہ 60 ہزار نوجوانوں کا انٹرن شپ پروگرام شروع کر رہے ہیں، ملک کو طاقت بنانے کے لیے ا?ئندہ تین سالوں میں ایک لاکھ نوجوانوں کو آئی ٹی سکلز کی تربیت دی جائے گی ،مزید ایک لاکھ نوجوانوں کو فنی اور پیشہ ورانہ تربیت دی جائے گی۔انہوں نے کہا کہ 75 سکالرشپس ان نوجوانوں کو پیش کیے جاتے ہیں جو دنیا کی ٹاپ 25 یونیورسٹیوں میں ماسٹرز اور پی ایچ ڈی سکالرشپ کے لیے خاص مضمون میں داخلہ حاصل کرنے کا انتظام کرتے ہیں، اسی طرح یونیورسٹی کے 100,000 طلبائ کو ڈیجیٹل طور پر بااختیار بنانے کے لیے لیپ ٹاپ فراہم کیے جائیں گے،اپنے پچھلے دور میں ہم نے 10 لاکھ لیپ ٹاپ فراہم کیے جس کے نتیجے میں نوجوانوں میں فری لانسنگ کو فروغ ملا۔انہوں نے کہا کہ آج پاکستان 75ویں سالگرہ منا رہا ہے،پاکستان کا شمار کم عمر ترین عمرکے حامل افراد والے ملکوں میں ہوتا ہے ،ہماری دوتہائی ا?بادی نوجوانوں پر ہے ،نہ صر ف مستقبل بلکہ ہمارا حال بھی نوجوانوں کے ہاتھ میں ہے،ان کی صلاحیت کو بڑھا کر ترقی کی رفتار کو تیز کیا جاسکتا ہے۔انہوں نے کہا کہ آج کے بچے معلم ہیں اپنے والدین کو علم دینے کا ذریعہ ہیں ،منصوبہ بندی کی وزارت نے ہمارے پچھلے دور میں فیلوشپ دینے کا پروگرام بنایا،2014میں وڑن 2025 بنایا جس کے تحت ترقی کا سفر شروع کیا۔انہوں نے کہا کہ نوجوان پاکستان کا مستقبل ہیں،ا?پ نے سمت کا تعین کرنا ہے کس طرف جانا ہے۔انہوں نے کہا کہ ملک کو سیاسی استحکام اور پالیسیوں کے تسلسل کی ضرورت ہے ،ہم دائروں سے ہیں باہر نہیں نکل سکے،ہم مستحکم ایسا نظام نہیں قائم کرسکے جس سے پالیسیوں کا تسلسل برقرار رہ سکے ،دنیا کے کسی بھی ملک کو دیکھ لیں جنہوں نے ترقی کی وہاں پالیسیاں دس پندرہ سال رہیں ، بدقسمتی سے ہمارے ہاں پالیسیوں کا تسلسل نہیں رہا۔ انہوں نے کہا کہ نوجوانوں کو سماجی وسیاسی طور پر بہتر ماحول فراہم کرنے کی ضرورت ہے تاکہ نوجوانوں اپنی صلاحیتوں کو بروئے کار لا کر ملک کو ترقی دے سکیں۔ انہوںنے کہاکہ سیاستدانوں سمیت تمام سٹیک ہولڈرز کو ماضی سے سبق سیکھنا چاہیے ، یہ وقت لڑائی کا نہیں اکٹھے ہونے کا ہے،آج ٹیم بن کر ملک کو امن اور استحکام دینے کی ضرورت ہے۔انہوں نے کہا کہ اگر مستقل کی طرف بڑھنا ہے تو نوجوانوں کو تعلیم ہنر اور مستقبل کی صلاحیتیں دینا ہوں گی،یہ جنریشن پچھلی جنریشن سے سوچ میں مختلف ہے،ہمیں اس نسل کو نئے زاویوں سے دیکھنا ہے۔مزید اہم خبریں
-
امارات میں ایئرپورٹ پر پھنسے بیشتر مسافر وطن واپس پہنچ گئے، خواجہ آصف
-
عوام سے درخواست ہے کہ 21اپریل کو پی ٹی آئی امیدواروں کو ووٹ کاسٹ کریں
-
سعودی کمپنیوں کو تربیت یافتہ آئی ٹی ماہرین بھیجنے کے خواہاں ہیں،وزیر اعلیٰ مریم نواز سے ڈیجیٹل کوآپریشن آرگنائزیشن کے وفد کی ملاقات
-
وفاقی وزیر پٹرولیم ڈاکٹر مصدق ملک کی اماراتی سفیر حمد عبید الزعابی سے ملاقات ،باہمی دلچسپی کے امور پر گفتگو
-
صدرزرداری نے ساتویں بارپارلیمنٹ سے خطاب کرکے تاریخ رقم کی
-
سپیکر قومی اسمبلی نے ایوان میں باجا بجانے اور شور کرنے پر جمشید دستی اور اقبال خان کی رکنیت معطل کردی
-
اسٹیبلشمنٹ کو عمران خان سے بات کرنا ہوگی لیکن فی الحال کہیں برف نہیں پگھلی
-
اسپیکر قومی سردار ایاز صادق سے قازقستان کے سفیر یرژان کستافین کی ملاقات
-
وفاقی وزیر داخلہ سید محسن نقوی کی زیر صدارت نیکٹا ہیڈکوارٹر میں نیشنل ایکشن پلان عمل درآمد جائزہ کمیٹی کا اجلاس
-
اسلام آباد ہائیکورٹ کی پرویزالہٰی کی صحت سے متعلق میڈیکل رپورٹ اورپمزہسپتال انتظامیہ کو بھی اڈیالہ جیل کا دورہ کرکے رپورٹ پیرکو پیش کرنے کی ہدایت
-
8 فروری کے فراڈ الیکشن کی بینی فشری پیپلزپارٹی، ن لیگ اور ایم کیوایم ہیں
-
سولر پینلز کی قیمتوں میں مزید کمی
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.