چھتیس گڑھ میں عیسائیوں کو انتہاپسندہندوئوں کے وحشیانہ حملوں کا سامنا ہے، آئی سی سی رپورٹ
منظم حملوں کے نتیجے میں 2500سے زیادہ عیسائی بے گھر ہو گئے اور سینکڑوں گھروں کی توڑ پھوڑ اور لوٹ مار کی گئی
پیر 6 فروری 2023 17:03
(جاری ہے)
آئی سی سی نے کہا کہ حملوں کی سنگینی نے بہت سے مسیحیوں کو صدمے میں مبتلا کر دیا ہے اور وہ مسلسل خوف میں جی رہے ہیں۔
ایک زندہ بچ جانے والے جس کی شناخت صرف پادری کنن کے نام سے کی گئی ہے، کے حوالے سے بتایا گیاکہ اگر میں جنگل میں نہ بھاگتا تو وہ مجھے اور میرے خاندان کو مار ڈالتے۔ذرائع ابلاغ کی رپورٹس میں آئی سی سی کا حوالہ دیتے ہوئے کہا گیا ہے کہ اپنے دوست کی طرف سے موصول ہونے والی فون کال نے میری جان بچائی،اس نے مجھے مشتعل ہجوم کے بارے میں آگاہ کیا جو تیزدھار ہتھیاروں اور لاٹھیوں کے ساتھ ہمارے گائوں گڑھ بینگل کی طرف بڑھ رہا تھا۔دو اضلاع کے کئی دیہاتوں میں ہونے والے حملوں کی وجہ سے تقریبا 1,000عیسائی بے گھرہوگئے جنہوں نے ہندوبننے سے انکار کیاتھا۔ ان کے گھروں،گرجا گھروں اوردیگر املاک کی توڑ پھوڑ کی گئی۔آئی سی سی کی رپورٹ میں کہا گیا ہے کہ نئے سال کے دن، تقریبا 700 انتہا پسند ہندوئوں پر مشتمل ایک ہجوم عیسائی آبادی والے علاقے گڑھ بینگل میں جمع ہوا اور گھروں اور املاک کو تباہ کر دیا۔رپورٹ میں کہا گیا ہے کہ 200 کے قریب عیسائی اس وقت ہجوم سے فرار ہو گئے جب انہیں فسادیوں کے آنے کے بارے میں آگاہ کیا گیا۔ گلوبل کرسچن ریلیف کی طرف سے شیئر کی گئی ایک ویڈیو میں دکھایا گیا ہے کہ پتھروں، لوہے کی سلاخوں اور لکڑی کی لاٹھیوں سے لیس سینکڑوں مظاہرین نارائن پور ضلع کے ایڈکا گائوں میں واقع 50 سال پرانے سیکرڈ ہارٹ چرچ پر حملہ کر رہے ہیں۔ وزیر اعظم نریندر مودی کی جماعت بھارتیہ جنتا پارٹی کے دو مقامی رہنما روپسائی سلام اور نارائن مارکم ملزمان میں شامل تھے۔ آئی سی سی نے کہا کہ حملے میں متاثرہ افراد میں سے بہت سے افراد کو شدید چوٹیں آئیں۔2020 میں انتہا پسند ہندو گروپوں کی جانب سے ملک کے قبائلی لوگوں کو عیسائیت اختیار کرنے سے روکنے کے لیے ایک مہم شروع کرنے کے بعد سے قبائلی عیسائیوں کے خلاف حملوں میں اضافہ ہوا ہے۔آئی سی سی نے کہا کہ چھتیس گڑھ کئی بھارتی ریاستوں میں سے ایک ہے جہاں تبدیلی مذہب کے خلاف قوانین موجود ہیں اور حکومت عیسائی برادری کو تشدد سے بچانے میں ناکام رہی ہے۔متعلقہ عنوان :
مزید بین الاقوامی خبریں
-
آسڑیلین پاکستانی نینشل ایسوی ایشن اپنا کے زیر اہتمام عید کے موقع پرقیونسلنڈ میں سال 2023 میں سماجی ،معاشرتی اور مذہبی خدمات پر اپنا عید ایوارڈ دیے
-
حماس قیادت دوحا میں رہے گی، قطرکا دو ٹوک پیغام
-
ایران چند ہفتوں میں جوہری ہتھیار تیار کرسکتا ہے،آئی اے ای اے
-
امریکہ، طالب علموں سے زیادتی کرنے والی 25 خواتین اساتذہ گرفتار
-
روس اورچین نے باہمی تجارت کیلئے ڈالرکا استعمال ختم کردیا
-
امریکی سینیٹ نے ٹک ٹاک پر پابندی کے لئے قانون سازی کی منظوری دے دی
-
ایپل کا آن لائن ایونٹ کے انعقاد کا اعلان
-
ٹیسلا نے 4 ماہ قبل بنائی گئی یو ایس گروتھ ٹیم کو فارغ کردیا
-
ایرانی صدر ابراہیم رئیسی پاکستان سے سری لنکا کے دورے پر پہنچ گئے
-
شہزادہ ولیم اور کیٹ مڈلٹن کو نئی شاہی ذمہ داریاں سونپ دی گئیں
-
بھارت کا میڈیا عوام کے مسائل اجاگر کرنے کے بجائے مودی کے گن گاتا ہے،راہول گاندھی
-
تارکین وطن کے حوالہ سے صورتحال پر مغرب میں خانہ جنگی کا خدشہ ہے، ایلون مسک
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.