بھارت، خاتون کو زبردستی حجاب اتارنے پر مجبور کرنیوالا گروہ گرفتار

لڑکوں نے نہ صرف خاتون کو مجبور کیا بلکہ حجاب اتارنے کی ویڈیو بھی بنائی،پولیس

ہفتہ 1 اپریل 2023 17:57

بھارت، خاتون کو زبردستی حجاب اتارنے پر مجبور کرنیوالا گروہ گرفتار

نئی دہلی (اُردو پوائنٹ اخبارتازہ ترین - این این آئی۔ 01 اپریل2023ء) بھارت میں خاتون کو زبردستی حجاب اتارنے پر مجبور کرنے کا ایک اور واقعہ پیش آیا۔

(جاری ہے)

بھارتی میڈیا کے مطابق یہ واقعہ ریاست تامل ناڈو میں پیش آیا جہاں مسلمان خواتین کا ایک گروپ سیاحت کیلئے تاریخی قلعہ ویلور کے دورے پر گیا تھا، اس موقع پر 6 لڑکوں پر مشتمل ایک گروہ کی جانب سے خواتین کو تنگ کیا گیا اور ایک خاتون کو زبردستی حجاب اتارنے پر مجبور کیا گیا۔

پولیس کا کہنا تھاکہ لڑکوں نے نہ صرف خاتون کو مجبور کیا بلکہ حجاب اتارنے کی ویڈیو بھی بنائی۔پولیس کے مطابق گروہ میں شامل 17 سالہ نوجوان کو اس حرکت پر گرفتار کرلیا گیا جب کہ اس کے دیگر ساتھیوں کو بھی گرفتار کرکے ریمانڈ لے لیا گیا ہے۔پولیس کا کہنا تھا کہ زیادہ تر لڑکے پیشے کے اعتبار سے رکشہ ڈرائیور ہیں اور سیاحت کی غرض سے تاریخی قلعہ میں آنے والی باحجاب خواتین کو نشانہ بناتے ہیں۔