اسرائیل کی غزہ میں وحشیانہ بمباری، مزید 70فلسطینی شہید، 104شدید زخمی

جمعہ 10 جنوری 2025 23:51

ْغزہ(اُردو پوائنٹ اخبارتازہ ترین - این این آئی۔ 10 جنوری2025ء)اسرائیل کی غزہ میں وحشیانہ بمباری کے نتیجے میں 24گھنٹے میں مزید 70فلسطینی شہید ،104زخمی ہوگئے۔

(جاری ہے)

غیر ملکی میڈیا کے مطابق اسرائیل نے نئے سال کے پہلے 10روز میں 490فلسطینیوں کو شہید کیا،غزہ میں اربکان پناہ گزین سکول پر حملے میں3فلسطینی شہید ہوگئے، غزہ سٹی میں اسرائیلی فضائی حملے میں 4افراد شہید ہوئے، دیر البلاح میں ایک مکان پر حملے میں 5افراد شہید ہوگئے۔

جنگ میں مجموعی شہادتوں کی تعداد46ہزار سے تجاوز کر چکی ہے، اسرائیلی فوج کے مغربی کنارے پر چھاپے کے دوران 15فلسطینیوں کو گرفتار کر لیا گیا۔ دوسری جانب پوپ فرانسس نے غزہ میں اسرائیلی بمباری ناقابل قبول قرار دیتے ہوئے کہا ہے کہ غزہ کی صورتحال انتہائی سنگین اور شرمناک ہے، غزہ میں بچے سردی میں جم کر موت کے منہ میں جا رہے ہیں،غزہ میں ہسپتال تباہ ہو چکے، توانائی کا نیٹ ورک متاثر ہے۔