معمولی تلخ کلامی پر سالوں کے ہاتھوں بہنوئی قتل

گھریلو تنازعہ ،معمولی جھگڑے کے باعث افسوسناک واقعہ پیش آیا‘ پولیس

منگل 13 مئی 2025 22:35

لاہور(اُردو پوائنٹ اخبارتازہ ترین - این این آئی۔ 13 مئی2025ء)سبزہ زار کے علاقے میں سالوں نے معمولی تلخ کلامی پر بہنوئی کو گولیاں مار کر قتل کر دیا، مقتول کی شناخت منیر خان کے نام سے ہوئی ہے۔

(جاری ہے)

پولیس کا کہنا ہے کہ واقعہ کے بعد زخمی منیر کو فوری طور پر ہسپتال منتقل کیا گیا تاہم وہ دورانِ علاج زخموں کی تاب نہ لاتے ہوئے دم توڑ گیا گھریلو تنازعہ اور معمولی جھگڑے کے باعث یہ افسوسناک واقعہ پیش آیا۔واقعے کے بعد ملزمان موقع سے فرار ہو گئے۔ پولیس نے جائے وقوعہ سے شواہد اکھٹے کر کے مقدمہ درج کر لیا ہے اور ملزمان کی گرفتاری کے لیے خصوصی ٹیمیں تشکیل دے دی گئی ہیں۔پولیس حکام کا کہنا ہے کہ جلد ملزمان کو گرفتار کر کے قانون کے کٹہرے میں لایا جائے گا۔