کیسپررڈ کا فاتحانہ آغاز،سوئس اوپن ٹینس مینز سنگلز کوارٹر فائنل رائونڈ میں پہنچ گئے

جمعہ 18 جولائی 2025 12:28

برن (اُردو پوائنٹ اخبارتازہ ترین - اے پی پی۔ 18 جولائی2025ء) ناروے کے نامور ٹینس سٹار اور ایونٹ کے ٹاپ سیڈڈ کیسپررڈ اے ٹی پی سوئس اوپن ٹینس ٹورنامنٹ میں مردوں کے سنگلز مقابلوں کا فاتحانہ آغاز کرتے ہوئے کوارٹر فائنل رائونڈ میں پہنچ گئے ۔ناروے کے 26 سالہ ٹینس سٹار کیسپر رڈ نے مردوں کے سنگلز مقابلوں کے ابتدائی رائونڈ میچ میں عمدہ کھیل پیش کرتے ہوئے میزبان ٹینس کھلاڑی ڈومینک سٹیفن سٹرکر کو 0-2سیٹس میں شکست دے کر ٹاپ ایٹ رائونڈ کے لئے کوالیفائی کیا۔

(جاری ہے)

سوئٹزرلینڈ میں اے ٹی پی سوئس اوپن ٹینس ٹورنامنٹ کے دلچسپ مقابلوں کا سلسلہ گسٹاڈکے رائے ایمرسن ایرینا میں جاری ہے جس میں شائقین ٹینس کو انتہائی دلچسپ اور کانٹے دار مقابلے دیکھنے کو مل رہے ہیں ۔ مردوں کے سنگلز مقابلوں کے پہلے رائونڈ میں ناروے کے 26 سالہ ٹینس سٹار کیسپر رڈ نے شاندار کارکردگی کا مظاہرہ کرتے ہوئے میزبان ٹینس کھلاڑی ڈومینک سٹیفن سٹرکر کو ٹائی بریک پر سٹریٹ سیٹس میں 5-7 اور 6-7(6-8)سے شکست دے کر ایونٹ کے کوارٹر فائنل رائونڈ کے لئے کوالیفائی کرلیا۔کیسپر رڈ ایونٹ کے کوارٹرفائنل میں ارجنٹائن کے جان مینوئل سیرنڈولو کے مد مقابل ہوں گے۔\932