انگلینڈ انتہائی سخت مقابلے کے بعد یوئیفا ویمنزفٹ بال چمپئن شپ کے سیمی فائنل میں رسائی حاصل کرلی

جمعہ 18 جولائی 2025 20:25

زیورخ (اُردو پوائنٹ اخبارتازہ ترین - این این آئی۔ 18 جولائی2025ء)دفاعی چمپئن انگلینڈ نے انتہائی سخت مقابلے کے بعد سویڈن کو پنالٹی شوٹ آئوٹ میں شکست دے کر یوئیفا ویمنز فٹ بال چمپئن شپ کے سیمی فائنل میں جگہ حاصل کرلی ۔ خواتین کی یورپی چمپئن شپ کا دوسرا کوارٹر فائنل میچ مقررہ وقت تک 2-2گول سے برابر رہنے پر فیصلہ پنالٹی شوٹ آئوٹ پر ہوا ،جس پر دفاعی چمپئن انگلینڈ نے سویڈن کو 2کے مقابلے میں 3گول سے ہرا کر میگا ایونٹ کے سیمی فائنل تک رسائی حاصل کرلی۔

انگلینڈ کی ٹیم گزشتہ پانچ یورو ویمنز فٹ بال چمپئن شپ مقابلوں میں چوتھی مرتبہ سیمی فائنل میں پہنچنے میں کامیاب ہوئی ہے۔انگلینڈ کی ویمنز فٹ بال ٹیم کا 22جولائی کو یوئیفا ویمنز فٹ بال چمپئن شپ کے پہلے سیمی فائنل میں مقابلہ اٹلی کی ویمنز فٹ بال ٹیم سے جنیوا میں ہوگا ۔

(جاری ہے)

یوئیفا ویمنز فٹ بال چمپئن شپ کے انتہائی دلچسپ مقابلے سوئٹزرلینڈ میں جاری ہیں،جس میں شائقین فٹ بال کو کانٹے دار مقابلے دیکھنے کو مل رہے ہیں۔

سوئٹزرلینڈ کے شہر زیورخ کے لیٹزگرنڈ سٹیڈیم میں کھیلے گئے چمپئن شپ کے دوسرے کوارٹر فائنل میچ میں دفاعی چمپئن انگلینڈ اور سویڈن کی ویمنز ٹیمیں آمنے سامنے تھیں جس میں دونوں ٹیموں کے درمیان انتہائی سخت مقابلہ ہوا میچ مقررہ وقت پر 2-2گول سے برابر رہا جس کے بعد میچ کو فیصلہ کن بنانے کے لئے پنالٹی شوٹ آئوٹ کا سہار لیا گیا جس پر انگلینڈ کی ٹیم نے سویڈن کی ٹیم کو 2کے مقابلے میں 3گول سے ہرا کر یوئیفا ویمنز فٹ بال چمپئن شپ کے سیمی فائنل تک رسائی حاصل کرلی۔دفاعی چمپئن انگلینڈ کا سیمی فائنل میں مقابلہ اٹلی کی ویمنز فٹ بال ٹیم سے ہوگا اور یہ میچ 22جولائی کو جنیوا میں کھیلا جائے گا۔

Facebook Twitter Google + Share on Whatsapp

انگلینڈ انتہائی سخت مقابلے کے بعد یوئیفا ویمنزفٹ بال چمپئن شپ کے سیمی فائنل میں رسائی حاصل کرلی

متعلقہ عنوان :

مزید کھیلوں کی خبریں