یوتھ فٹبال ناروے کپ 2026، پاکستان کی تین ٹیمیں حصہ لیں گی

جولائی سے 2 اگست تک اوسلو میں ناروے کپ میں 30 سے زائد ممالک کی 2 ہزار سے زائد ٹیموں کی شرکت متوقع

ہفتہ 19 جولائی 2025 13:21

یوتھ فٹبال ناروے کپ 2026، پاکستان کی تین ٹیمیں حصہ لیں گی

اوسلو(اُردو پوائنٹ اخبارتازہ ترین - این این آئی۔ 19 جولائی2025ء)دنیا کے سب سے بڑے یوتھ فٹبال ناروے کپ 2026 میں پاکستان سے تین ٹیمیں حصہ لیں گی۔ پاکستان میں ناروے کا سفارت خانہ ان ٹیموں کے کھلاڑیوں اور آفیشلز کے لیے ویزوں کا فیصلہ کرے گا۔26 جولائی سے 2 اگست تک ناروے کے دارالحکومت اوسلو میں کھیلے جانے والے ناروے کپ میں 30 سے زائد ممالک کی 2 ہزار سے زائد ٹیموں کی شرکت متوقع ہے۔

ان مقابلوں کے لیے اوسلو کے 90 میدان مختص کیے گئے ہیں۔اسٹریٹ چلڈرنز، اسلام آباد بوائز انڈر 17 اور کراچی سے لیاری فٹبال اکیڈمی بوائز انڈر 15 ایونٹ میں شرکت کی خواہاں ہے جبکہ 2024 میں بوائزانڈر 15 ایونٹ کی رنراپ ٹیم بیٹر فیوچرپاکستان فٹبال کلب رواں سال سیون اے سائیڈ گرلز انڈر 15 مقابلوں میں بھی شرکت کے لیے تیاریوں میں مصروف ہے۔

(جاری ہے)

ناروے کے بچوں اور نوجوانوں کی بہبود کے لیے سرکرداں سو سے زائد تنظیموں کی انجمن نیشنل کونسل آف نارویجن چلڈرن اینڈ یوتھ آرگنائزیشن کے تحت ہونے والیٹورنامنٹ میں ٹیمیں اپنی مدد آپ کے تحت شرکت کرتی ہیں۔

سندھ حکومت نے ناروے کپ کے لیے لیاری فٹبال اکیڈمی کو1 کروڑ 83 لاکھ روپے کا اسپانسرشپ کا چیک فراہم کردیا ہے جبکہ لیاری ہی سے تعلق رکھنے والے بیٹر فیوچرپاکستان فٹبال کلب کے ہیڈ کوچ عبدالراشد بلوچ نے بھی جمعہ کو کراچی پریس کلب میں منعقدہ پریس کانفرنس میں صوبائی حکومت سے مالی اعانت کی اپیل کردی۔