شاہد آفریدی، کرس گیل، ڈی ویلیئرز، بریٹ لی کی کرکٹ میں واپسی

چیمپئن شپ کا سب سے بڑا مقابلہ روایتی حریفوں کے درمیان پاک بھارت ٹاکرا اتوار 20 جولائی کو ہوگا

ہفتہ 19 جولائی 2025 13:21

شاہد آفریدی، کرس گیل، ڈی ویلیئرز، بریٹ لی کی کرکٹ میں واپسی

لندن (اُردو پوائنٹ اخبارتازہ ترین - این این آئی۔ 19 جولائی2025ء)ماضی کے کرکٹ سپر اسٹار بوم بوم شاہد آفریدی کرس گیل اے بی ڈی ویلیئرز بریٹ لی اور دیگر لیجنڈز پھر کرکٹ کے میدان میں اتریں گے۔ اس چیمپئن شب میں برسوں تک کرکٹ شائقین کو اپنے سحر میں مبتلا رکھنے والے ماضی کے میگا کرکٹ اسٹارز ایک بار پھر میدان میں ایکشن میں دکھائی دیں گے۔ٹورنامنٹ میں پاکستان سمیت 6 ممالک کی ٹیمیں شریک ہیں۔

ان میں بھارت، جنوبی افریقہ، انگلینڈ، آسٹریلیا اور ویسٹ انڈیز کی ٹیمیں شامل ہیں۔

(جاری ہے)

تاہم چیمپئن شپ کا سب سے بڑا مقابلہ روایتی حریفوں کے درمیان پاک بھارت ٹاکرا اتوار 20 جولائی کو ہوگا۔پاکستان چیمپئنز ٹیم کی قیادت سابق قومی کپتان محمد حفیظ کریں گے۔ ٹیم میں جارحانہ بیٹنگ کے باعث دنیا بھر میں بوم بوم کے نام سے شہرت رکھنے والے شاہد خان آفریدی سمیت شعیب ملک، سرفراز احمد، کامران اکمل، وہاب ریاض اور دیگر کھلاڑی ایکشن میں دکھائی دیں گے۔

اس ٹورنامنٹ میں ویسٹ انڈین لیجنڈ کرس گیل، مسٹر تھری سکسٹی کی عرفیت سے مشہور جنوبی افریقی لیجنڈ اے بی ڈی ویلیئرز اور سابق آسٹریلوی پیسر بریٹ لی جیسے عظیم کھلاڑی بھی کئی سال بعد کرکت کے میدان میں اپنی مہارت کا اظہار کرتے نظر آئیں گے۔