آئی پی ایل جشن میں بھگدڑ، بھارتی ریاست نے ذمہ داری آر سی بی پر ڈال دی

کرناٹک حکومت نے واقعے کی رپورٹ میں آر سی بی، پارٹنرز اور کرکٹ ایسوسی ایشن کو قصور وار ٹھہرایا

ہفتہ 19 جولائی 2025 13:27

آئی پی ایل جشن میں بھگدڑ، بھارتی ریاست نے ذمہ داری آر سی بی پر ڈال ..
نئی دہلی (اُردو پوائنٹ اخبارتازہ ترین - این این آئی۔ 19 جولائی2025ء)بھارتی ریاست نے آئی پی ایل جشن میں بھگدڑ سے ہلاکتوں کی ذمہ داری رائل چیلنجرز بنگلورپر ڈال دی۔غیرملکی خبررساں ادارے کی رپورٹ کے مطابق کرناٹک حکومت نے واقعے کی رپورٹ جاری ہے جس میں آر سی بی، پارٹنرز اور کرکٹ ایسوسی ایشن کو قصور وار ٹھہرایا گیا ہے۔

(جاری ہے)

رپورٹ میں کہا گیا ہے کہ آر سی بی نے تقریب کی اجازت کے لیے باضابطہ درخواست نہیں دی تھی، پولیس نے اجازت دینے سے انکار کیا اس کے باوجود فتح کا جلوس نکالا گیا۔

پولیس نے تقریب کی تفصیلات فراہم نہ کرنے پر اجازت مسترد کی تھی۔پولیس نے آر سی بی کے سینئر ایگزیکٹو سمیت 4 افراد کو حراست میں لے لیا، پویس کی تحویل میں تقریب کے آرگنائزرز ڈی این اے کی نمائندے بھی شامل ہیں۔واضح رہے کہ اٴْٓئی پی ایل میں بنگلور کی جیت کے بعد بھگدڑ مچنے سے 11 افراد ہلاک اور 50 سے زائد زخمی ہوئے تھے، 4 جون کو آر سی بی کی فتح کے جشن میں ہزاروں افراد چناسوامی اسٹیڈیم کے باہر جمع تھے۔