سپیکر سندھ اسمبلی سید اویس قادر شاہ کی ورلڈ ماسٹرز سنوکر چیمپئن شپ جیتنے پر محمد آصف کو دلی مبارکباد

ہفتہ 19 جولائی 2025 20:29

کراچی (اُردو پوائنٹ اخبارتازہ ترین - این این آئی۔ 19 جولائی2025ء)اسپیکر سندھ اسمبلی سید اویس قادر شاہ نے ورلڈ ماسٹرز سنوکر چیمپئن شپ جیتنے پر محمد آصف کو دلی مبارکبادپیش کی ہے ۔اپنے جاری بیان میں اسپیکر سندھ اسمبلی نے کہا کہ محمد آصف نے شاندار کارکردگی سے عالمی سطح پر پاکستان کا پرچم بلند کیا۔

(جاری ہے)

بھارت کے خلاف کامیابی ہمیشہ ایک خاص جذبہ رکھتی ہے، آج محمد آصف نے ایک اور ناقابلِ فراموش لمحہ قوم کو دیا۔

فائنل میں بھارتی کھلاڑی کے خلاف آصف کا جاندار کھیل نہ صرف قابلِ تعریف ہے بلکہ یہ فتح کو مزید یادگار بناتا ہے۔انہوں نے کہا کہ قوم اپنے اس باصلاحیت کھلاڑی پر بجا طور پر ناز کرتی ہے۔ دعا ہے کہ محمد آصف مستقبل میں بھی اسی جذبے سے کھیل کر پاکستان کے لیے مزید کامیابیاں سمیٹیں۔