صدرِمملکت آصف علی زرداری کی محمد آصف کو عالمی سنوکر چیمپئن شپ جیتنے پر دلی مبارکباد

ہفتہ 19 جولائی 2025 22:28

اسلام آباد(اُردو پوائنٹ اخبارتازہ ترین - این این آئی۔ 19 جولائی2025ء)صدرِ مملکت آصف علی زرداری نے محمد آصف کو عالمی سنوکر چیمپئن شپ جیتنے پر دلی مبارکباد پیش کرتے ہوئے کہا ہے کہ عالمی مقابلے میں کامیابی پاکستانی کھلاڑیوں کی صلاحیت، عزم اور محنت کا منہ بولتا ثبوت ہے۔

(جاری ہے)

ہفتے کو ایوان صدر کے پریس ونگ سے جاری بیان کے مطابق صدر مملکت نے کہا کہ محمد آصف نے شاندار کارکردگی سے قوم کا سر فخر سے بلند کیا،عالمی مقابلے میں کامیابی پاکستانی کھلاڑیوں کی صلاحیت، عزم اور محنت کا منہ بولتا ثبوت ہے۔

صدرِ مملکت نے محمد آصف کی لگن، حوصلے اور پیشہ ورانہ مہارت کی تعریف کرتے ہوئے کہا کہ اپ نے ثابت کیا کہ پاکستانی کھلاڑی عالمی سطح پر کسی سے کم نہیں۔محمد آصف نے فائنل میں بھارتی کھلاڑی بریجیش دامانی کو شکست دے کر ٹائٹل اپنے نام کیا۔