Live Updates

سینیٹ الیکشن میں ہارس ٹریڈنگ کی شکل بدل گئی ، اب سیاسی جماعتیں خود طے کرلیتی ہیں

پہلے امیدوار ووٹرز کو خریدتا تھا اب سیاسی جماعتیں خرید ی جاتی ہیں، ملک کو گرینڈ ڈائیلاگ کی ضرورت ہے، اسٹیبلشمنٹ کو بھی اس مذاکرات کا حصہ ہونا چاہیئے، سابق وفاقی وزیر فواد چودھری

ثنااللہ ناگرہ ہفتہ 19 جولائی 2025 22:13

سینیٹ الیکشن میں ہارس ٹریڈنگ کی شکل بدل گئی ، اب سیاسی جماعتیں خود طے ..

اسلام آباد( اردوپوائنٹ اخبار تازہ ترین۔ آئی پی اے ۔ 19 جولائی 2025ء ) سابق وزیر فواد چودھری نے کہا ہے کہ سینیٹ الیکشن میں ہارس ٹریڈنگ کی شکل بدل گئی ، اب سیاسی جماعتیں خود طے کرلیتی ہیں، پہلے امیدوار ووٹرز کو خریدتا تھا اب سیاسی جماعتیں خرید ی جاتی ہیں، ملک کو گرینڈ ڈائیلاگ کی ضرورت ہے، اسٹیبلشمنٹ کو بھی اس مذاکرات کا حصہ ہونا چاہیئے۔

انہوں نے سماء نیوز کے پروگرام میں گفتگو کرتے ہوئے کہا کہ سیاسی جماعتوں میں مختلف مصالحے چاہیئے ہوتے ہیں، ایسا بھی نہیں کہ سب پیسے والے لوگ ہونے چاہئیں، ہمارے سیاسی جماعتوں میں بحران ہے کہ وہ تنظیمی سازی نہیں کرتے، آپ دیکھ لیں آل انڈیا مسلم لیگ جیسی آج ایک بھی جماعت نہیں ہے، پاکستان میں اسٹیبلشمنٹ نے کسی سیاسی جماعت کو منظم نہیں ہونے دیا، جب کوئی جماعت کھڑی ہوتی ہے پیچھے پڑ جاتے ہیں، اسی وجہ سے پاکستان کی جمہوریت اور نظام کا ایک یہ مسئلہ ہے۔

(جاری ہے)

اسٹیبلشمنٹ کو ناراض کرنے کی ضرورت نہیں ہے، ملک کو اس وقت گرینڈ سیاسی ڈائیلاگ کی ضرورت ہے، اسٹیبلشمنٹ کو بھی اس مذاکرات کا حصہ ہونا چاہیئے۔ سینیٹ الیکشن میں اب ہارس ٹریڈنگ کی شکل بدل گئی ہے ، پہلے امیدوار پیسے خرچ کرکے ووٹرز کو خریدتے تھے، اب سیاسی جماعتیں خودسیٹیں آپس میں طے کرلیتی ہیں، پہلے امیدوار ووٹرز کو خریدتا تھا اب سیاسی جماعتیں خرید ی جاتی ہیں۔

پی ٹی آئی کے حوالے سے زیادہ مسئلہ مشعال کے اوپر ہے، کیونکہ وہ ابھی آئی ہیں، مجھے نہیں پتا کہ مشعال یوسفزئی کا عمران خان نے کہا ہے یا نہیں، بشریٰ بی بی کے بہن نے بھی کہا کہ ایسا نہیں ہے۔ عمران خان جیل میں جن حالات میں ہیں کیا ان کی سینیٹ کے ٹکٹ بانٹے میں کوئی دلچسپی ہوگی؟وہ اس وقت پاکستان کی سیاست کو دیکھ رہے ہیں۔