دسویں مرتبہ جرمنی نے انتہائی سخت مقابلے کے بعد یوئیفا ویمنزفٹ بال چیمپئن شپ کے سیمی فائنل میں رسائی حاصل کرلی

اتوار 20 جولائی 2025 08:50

برن (اُردو پوائنٹ اخبارتازہ ترین - اے پی پی۔ 20 جولائی2025ء) جرمنی کی ویمنز فٹ بال ٹیم نے انتہائی سخت مقابلے کے بعد فرانس کو پنالٹی شوٹ آئوٹ میں شکست دے کر دسویں مرتبہ یوئیفا ویمنز فٹ بال چیمپئن شپ کے سیمی فائنل میں جگہ حاصل کرلی ۔ خواتین کی یورپی چیمپئن شپ کا چوتھا اور آخری کوارٹر فائنل میچ مقررہ وقت تک 1-1 گول سے برابر رہنے پر فیصلہ پنالٹی شوٹ آئوٹ پر ہوا ،جس پر 8 مرتبہ کی چیمپئن جرمنی نے فرانس ک5 کے مقابلے میں 6گول سے ہرا کر میگا ایونٹ کے سیمی فائنل تک رسائی حاصل کرلی۔

جرمنی کی ٹیم یورو ویمنز فٹ بال چیمپئن شپ مقابلوں میں دسویں مرتبہ سیمی فائنل میں پہنچنے میں کامیاب ہوئی ہے۔ جرمنی کی ویمنز فٹ بال ٹیم کا 23 جولائی کو یوئیفا ویمنز فٹ بال چیمپئن شپ کے دوسرے سیمی فائنل میں مقابلہ سپین کی ویمنز فٹ بال ٹیم سے زیورخ میں ہوگا ۔

(جاری ہے)

یوئیفا ویمنز فٹ بال چیمپئن شپ کے انتہائی دلچسپ مقابلے سوئٹزرلینڈ میں جاری ہیں،جس میں شائقین فٹ بال کو کانٹے دار مقابلے دیکھنے کو مل رہے ہیں۔

سوئٹزرلینڈ کے بیسل کے سینٹ جیکب پارک میں کھیلے گئے چیمپئن شپ کے چوتھے اور آخری کوارٹر فائنل میچ میں 8 بار کی چیمپئن جرمنی اور فرانس کی ویمنز ٹیمیں آمنے سامنے تھیں جس میں دونوں ٹیموں کے درمیان انتہائی سخت مقابلہ ہوا میچ مقررہ وقت پر 1-1 گول سے برابر رہا جس کے بعد میچ کو فیصلہ کن بنانے کے لئے پنالٹی شوٹ آئوٹ کا سہار لیا گیا جس پر جرمنی کی ٹیم نے فرانس کی ٹیم کو 5 کے مقابلے میں 6 گول سے ہرا کر دسویں مرتبہ یوئیفا ویمنز فٹ بال چیمپئن شپ کے سیمی فائنل تک رسائی حاصل کرلی۔

جرمنی کا سیمی فائنل میں مقابلہ سپین کی ویمنز فٹ بال ٹیم سے ہوگا اور یہ میچ 23 جولائی کو سوئٹزرلینڈ کے شہر زیورخ میں کھیلا جائے گا۔واضح رہے کہ جرمنی کی ویمنز فٹ بال ٹیم سب سے زیادہ 8 مرتبہ بالترتیب 1989، 1991، 1995، 1997، 2001، 2005، 2009 اور 2013کا یوئیفا ویمنز فٹ بال چیمپئن شپ ٹائٹل جیت چکی ہے جبکہ 2022کے ایونٹ میں جرمنی کی ٹیم رنراپ رہی تھی۔ \932