ایشیا کپ 2025، بھارتی میڈیا کا ہاکی انڈیا کے آفیشل کے حوالے سے دعوے کا پول کھل گیا

جمعرات 7 اگست 2025 22:57

لاہور(اُردو پوائنٹ اخبارتازہ ترین - این این آئی۔ 07 اگست2025ء) بھارتی میڈیا کا ہاکی انڈیا کے آفیشل کے حوالے سے دعوے کا پول کھل گیا۔بنگلادیش ہاکی فیڈریشن کے ذرائع کے مطابق فیڈریشن کو ایشیا کپ میں شرکت کا کوئی باضابطہ دعوت نامہ نہیں ملا، نہ تو ہاکی انڈیا اور نہ ہی اے ایچ ایف نے کوئی خط بھیجا ہے۔

(جاری ہے)

ذرائع بنگلا دیش ہاکی فیڈریشن کے مطابق صورتحال سب کے سامنے ہے، بنگلا دیش اسٹینڈ بائی ضرور ہے، اتنی جلد ٹیم بنانا اور تیاری کرنا آسان نہیں ہے، باضابطہ دعوت نامے کے بعد دیکھیں گے۔

واضح رہے کہ بھارتی میڈیا نے ہاکی انڈیا کے آفیشل کے حوالے سے بنگلادیش کو دعوت نامہ بھیجنے کا دعوی کیا تھا، ہاکی انڈیا کے آفیشل نے پاکستان کے انکار اور بھارت کے سفر نہ کرنے بھی دعوی کیا تھا۔اس سے قبل پاکستان ہاکی فیڈریشن کے صدر طارق بگٹی ہاکی انڈیا کے آفیشلز کے دعوں کو مسترد کر چکے ہیں۔واضح رہے کہ ایشیا کپ 29 اگست سے 7 ستمبر تک بھارت کے شہر راج گیر میں شیڈولڈ ہے۔