Live Updates

نویں الزارونی سٹوڈنٹس اولمپک گیمز کے ڈراز کا اعلان 15 ستمبر کو کیا جائے گا

جمعرات 11 ستمبر 2025 20:20

اسلام آباد (اُردو پوائنٹ اخبارتازہ ترین - اے پی پی۔ 11 ستمبر2025ء) نویں الزارونی سٹوڈنٹس اولمپک گیمز کے ڈراز کا اعلان 15 ستمبر کو کیا جائے گا۔ گیمز میں شرکت کرنے والی مختلف کھیلوں کی ٹیموں کے منیجرز کی میٹنگ 15 ستمبر کو شام 5 بجے کے ایم سی سپورٹس کمپلیکس کراچی میں ہوگی جس کی صدارت پاکستان سٹوڈنٹس اولمپک ایسوسی ایشن کے صدر مقبول آرائیں کریں گے۔

(جاری ہے)

کراچی سٹوڈنٹس اولمپک ایسوسی ایشن کے صدر عظمت پاشا نے بتایا کہ نویں الزارونی سٹوڈنٹس اولمپک گیمز 16 سے 28 ستمبر تک جاری رہیں گی۔ گیمز میں 24 کھیلوں کے مقابلے رکھے گئے ہیں جن میں آرچری، اتھلیٹکس، فٹ سال، جمناسٹک، فلائینگ ڈیسکس، پیڈل، پکل بال، روپ سکیپنگ، سیکٹنگ، تھرو بال، رسہ کشی، تائیکوانڈو، فٹنس، کرکٹ، سائیکلنگ، باسکٹ بال، بیڈمنٹن، کیچ بال، ڈوج بال، نیٹ بال، ہینڈ بال، ٹیبل ٹینس، والی بال اور ہاکی شامل ہیں۔