جیکب آباد کی معروف سیاسی شخصیت و کالم نگار ملک الطاف حسین انتقال کرگئے

ہفتہ 13 ستمبر 2025 22:19

جیکب آباد (اُردو پوائنٹ اخبارتازہ ترین - این این آئی۔ 13 ستمبر2025ء) جیکب آباد کی معروف سیاسی شخصیت و کالم نگار ملک الطاف حسین انتقال کرگئے۔

(جاری ہے)

تفصیلات کے مطابق جیکب آباد کی سماجی و سیاسی شخصیت معروف کالم نگار اور جماعت اسلامی کے سینئر رہنما ملک الطاف حسین طویل علالت کے بعد اپنے آبائی گاؤں دندہ شاہ بلاول تلہ کنگ میں انتقال کرگئے، ملک الطاف حسین کی وفات پر جیکب آباد کی سیاسی، سماجی، دینی تنظیموں کے رہنماؤں اور صحافیوں نے گہرے دکھ کا اظہار کرتے ہوئے کہا کہ مرحوم نے اپنی تمام عمر ایمانداری اور خدمت خلق میں گزاری وہ ایک نڈر سیاسی رہنما تھے، تحریک ختم نبوت سمیت اسلامی تحریکوں میں ان کا کردار ناقابل فراموش ہے، مرحوم نے اپنی تحریروں کے ذریعے ہمیشہ مظلوموں کے حق میں آواز بلند کی، سیاسی،سماجی و دینی حلقوں نے مرحوم کی خدمات کو خراج تحسین پیش کرتے ہوئے دعا کی ہے کہ اللہ تعالیٰ انہیں جنت الفردوس میں اعلیٰ مقام عطا فرمائے اور لواحقین کو صبر جمیل عطا کرے۔