صدراصف علی زرداری کی شنگھائی میں چیری ہولڈنگ کے چیئرمین سے ملاقات

منگل 16 ستمبر 2025 22:29

شنگھائی (اُردو پوائنٹ اخبارتازہ ترین - آن لائن۔ 16 ستمبر2025ء)صدر پاکستان آصف علی زرداری نے شنگھائی میں چیری ہولڈنگ کے چیئرمین ین تونگیو سے ملاقات کی۔ اس موقع پر خاتون اولآصفہ بھٹو زرداری، چیئرمین پیپلز پارٹیبلاول بھٹو زرداری، سینیٹر سلیم مانڈوی والا اور سندھ کے وزرائشرجیل میمن و ناصر حسین شاہبھی موجود تھے۔صدر زرداری نے پاکستان میں چیری آٹو کی دلچسپی اور توسیعی منصوبوں کا خیر مقدم کیا۔

(جاری ہے)

انہوں نے کہا کہ الیکٹرک بسوں اور لوکلائزیشن منصوبوں کے ذریعے نوجوانوں کے لیے روزگار کے نئے مواقع پیدا ہوں گے اور ملک میں جدید ٹیکنالوجی متعارف ہوگی۔صدر مملکت نے یقین دہانی کرائی کہ پاکستان میںالیکٹرک اور نیو انرجی گاڑیوں کے لیے پالیسی سپورٹ فراہم کی جائے گی۔ انہوں نے چیری ہولڈنگ کو دعوت دی کہ وہ پاکستان میں الیکٹرک بسوں، منی ٹرکس اور گرین انرجی کے مشترکہ منصوبوںمیں شرکت کرے۔مزید برآں، صدر زرداری نے پاکستانی کمپنیوں کے ساتھ مینوفیکچرنگ، معدنیات اور انرجی اسٹوریج کے شعبوں میں تعاون بڑھانے کی تجویز بھی پیش کی۔ ملاقات کے دوران چیری آٹو کی عالمی کامیابیوں اور جدید ٹیکنالوجی کے بارے میں صدر پاکستان کو بریفنگ دی گئی۔