قائم مقام صدر مملکت کی سپیکر پنجاب اسمبلی سے ملاقات،ان کی ہمشیرہ کے انتقال پر تعزیت کا اظہار کیا

اتوار 26 اپریل 2026 16:40

ور (اُردو پوائنٹ اخبارتازہ ترین - این این آئی۔ 26 اپریل2026ء) قائم مقام صدر مملکت سید یوسف رضا گیلانی نے اتوار کے روز پنجاب اسمبلی کے سپیکر ملک محمد احمد خان اور وزیرِ مملکت ملک رشید احمد خان سے ملاقات کی اور ملک محمد احمد خان سے ان کی ہمشیرہ جبکہ ملک رشید احمد خان سے ان کی بھانجی کے انتقال پر تعزیت کی۔

(جاری ہے)

اس موقع پر چیئرمین پبلک اکائونٹس کمیٹیII سید علی حیدر گیلانی،ڈاکٹر ملک امیر خان اور ملک تیمور خان بھی موجود تھے۔قائم مقام صدر مملکت نے مرحومہ کے درجات کی بلندی اور سوگوار خاندان کے لیے صبرِ جمیل کی دعا کی۔انہوں نے کہا کہ وہ دکھ کی اس گھڑی میں ان کے غم میں برابر کے شریک ہیں۔