کوہاٹ ،نجی سکول میں کمسن طالب علم کیساتھ بدفعلی کا جرم چھپانے کی پاداش میں سکول پرنسپل گرفتار،پولیس نے وقوعہ کے ملزم طالب علم،سکول پرنسپل اور استانی کے خلاف مقدمہ درج کرلیا
پشاور (اُردو پوائنٹ اخبارآن لائن۔ 16جنوری۔2016ء) کوہاٹ کے نجی سکول میں کمسن طالب علم کیساتھ بدفعلی کا جرم چھپانے کی پاداش میں سکول پرنسپل کو گرفتار کر لیا گیا ہے۔پولیس نے وقوعہ کے ملزم طالب علم،سکول پرنسپل اور استانی کے خلاف مقدمہ درج کرلیا ہے۔تفصیلات کے مطابق کوہاٹ پنڈی روڈکے علاقہ حیات شہید کالونی میں واقع نور پبلک سکول کی دوسری کے طالب علم آٹھ سالہ فہد خان نے تھانہ محمد ریاض شہید میں رپورٹ درج کراتے ہوئے پولیس کو بتایا کہ وہ گزشتہ صبح حسب معمول اپنے کلاس روم میں اکیلا موجود تھا کہ اس دوران سکول کے پانچویں جماعت کا طالب علم شاہ ذیب اسکو اپنے ساتھ کلاس روم میں لے گیا اور زبردستی بدفعلی کا نشانہ بنایا جبکہ اس نے اپنے ساتھ ہونے والی زیادتی کا سکول پرنسپل اور کلاس استانی کو بتایا تو انہوں نے خاموش رہنے کی ہدایت کی تاہم بعد ازاں جب اسکی حالت خراب ہوئی تو لیاقت میموریل وومن اینڈ چلڈرن ہسپتال لے جاکر ڈیوٹی پر موجود ڈاکٹر کو بھی اس حوالے سے لاعلم رکھتے ہوئے بیماری کا بہانہ بنایااور درد کی دوا لیکر معاملے کو دبانے کی کوشش کرتے رہے ۔
(جاری ہے)
مزید متعلقہ خبریں پڑھئیے :
متعلقہ عنوان :
