مودی سرکار نے ”سر“ پکڑ لیا،بھارت میں 117 ارب ڈالر کی ٹیکس چوری،معافی کے اعلان کے باوجود ہر18کمانے والے افراد میں سے صرف ایک شخص ٹیکس ادا کرتا ہے

بدھ 20 اپریل 2016 10:10

نئی دہلی(اُردو پوائنٹ اخبار آن لائن۔20اپریل۔2016ء)مودی سرکار نے سر پکڑ لیا ، بھارت میں 117ارب ڈالر کی ٹیکس چوری ہوگئی۔بھارتی سرمایہ کاروں اور تاجروں نے ہیر آ پھیری کرتے ہوئے تقریب 117 ارب ڈالر کی رقوم بطور ٹیکس ادا نہیں کیں۔ ہر18کمانے والے افراد میں سے صرف ایک شخص ٹیکس ادا کرتا ہے۔ بھارتی وزارت خزانہ میں ان دنوں ٹیکس کولیکٹرز کی رپورٹوں اور اس میں پیش رفت کے حوالے سے باقاعدگی سے اجلاس ہو رہے ہیں۔

حکومت نے اپنے شہریوں کے لیے ایک مقررہ تاریخ تک غیر اعلان شدہ اثاثہ جات پر واجب الادا ٹیکس جمع کروانے پر معافی کا اعلان بھی کر رکھا ہے لیکن اس کے باوجود ٹیکس کی ادائیگیوں میں کوئی خاطر خواہ پیش رفت دیکھنے میں نہیں آئی ہے۔بھارت کا شمار دنیا کی ابھرتی ہوئی معیشتوں میں ہوتا ہے لیکن اس کی سالانہ ترقی کی شرح کے لحاظ سے ٹیکس وصولی کی شرح ابھرتی ہوئی معیشتوں میں سب سے کم ہے۔

(جاری ہے)

اس ملک میں ہر اٹھارہ کمانے والے افراد میں سے صرف ایک شخص ٹیکس ادا کرتا ہے۔ حکومتی اعداد و شمار کے مطابق ٹیکس کی مد میں اس وقت بھارتی شہریوں پر واجب الادا بقایا جات تقریباً 117 ارب ڈالر ہیں اور یہ رقم گزشتہ چھ برسوں کے مقابلے میں چار گنا زیادہ ہے۔بھارتی ٹیکس حکام کے اندازوں کے مطابق اس خطیر رقم کا صرف پندرہ سے بیس فیصد حصہ وصول کیا جا سکتا ہے کیوں کہ جن پر ٹیکس کی یہ رقوم واجب الادا ہیں، اب وہ اس قابل ہی نہیں رہے کہ وہ یہ ادائیگیاں کر سکیں۔

بعض حکام کے مطابق پندرہ سے بیس فیصد رقم وصول کرنا کم ترین ہدف ہے اور سست قانونی عمل کی وجہ سے اس ہدف تک پہنچنے میں بھی کئی برس لگیں گے۔بھارت کی وزارت خزانہ کے ایک عہدیدار کا نام ظاہر نہ کرنے کی شرط پر نیوز ایجنسی روئٹرز سے گفتگو کرتے ہوئے کہنا تھا، ”وزیر خزانہ تقریب آ ہر ہفتے پوچھ رہے ہیں کہ کتنا ٹیکس وصول کیا گیا ہے؟بھارت کی مجموعی قومی پیداوار تقریب آ دو ٹریلین ڈالر ہے جبکہ اس کے شہریوں پر واجب الادا ٹیکس اس پیداوار کا چھ فیصد بنتا ہے۔

اطلاعات کے مطابق ٹیکس وصولیوں کی کوششوں کے پیچھے بھارتی وزیراعظم نریندر مودی کے دیرینہ ساتھی اور بیوروکریٹ ہنس مکھ ادھیا ہیں۔ تاہم انہوں نے کسی بھی قسم کا انٹرویو دینے سے انکار کیا ہے۔ دوسری جانب وزارت خزانہ کے ایک ترجمان ڈی ایس ملک نے کہا ہے، ”جس کی طرف بھی ٹیکس بنتا ہے، وہ ہر صورت وصول کیا جائے گا۔بھارتی وزارت خزانہ کو اس وقت بڑے اخراجات کا سامنا ہے۔

ان میں دس ملین سرکاری ملازمیں کی تنخواہوں میں چوبیس فیصد اضافہ بھی شامل ہے۔بھارت کی مجموعی قومی پیداوار تقریب آ دو ٹریلین ڈالر ہے جبکہ اس کے شہریوں پر واجب الادا ٹیکس اس پیداوار کا چھ فیصد بنتا ہے۔ اور یہ چھ فیصد رقم تقریب آ نوے بلین ڈالر کے قرضوں کے اْس ہدف سے زیادہ ہے، جو رواں مالی سال کے لیے حکومت کی طرف سے رکھا گیا ہے۔ بھارت کے ٹیکس ڈیپارٹمنٹ کے فروری کے اعداد و شمار کے مطابق سن دو ہزار پندرہ اور سولہ میں پانچ اعشاریہ دو بلین ڈالر کی وصولیاں کی گئی ہیں۔

تجزیہ کاروں کے مطابق مودی حکومت ٹیکس کے نظام کو جدید تر بنانا چاہتی ہے۔ مثال کے طور پر ٹیکس حکام کو ہدایات دی گئی ہیں کہ وہ ٹیکس ٹریبونل کے پاس کیس اسی وقت لے کر جائیں، جب ایک ملین سے زائد روپے کا معاملہ ہو۔ اس سے کم ٹیکس چوری کے معاملات عدالت سے باہر ہی نمٹانے کی ہدایات ہیں۔ ایسے میں ٹیکس کی ہیر پھیر کرنے والوں کو آسان شرائط پر ادائیگی کرنے پر آمادہ کیا جاتا ہے۔اسی طرح اگر کوئی یکم جون سے اپنے غیر اعلان شدہ اثاثوں پر ٹیکس ادا کرنا شروع کرتا ہے تو تین ماہ تک اس سے کوئی ٹیکس وصول نہیں کیا جائے گا۔ اسی طرح کی ایک اسکیم گزشتہ برس متعارف کروائی گئی تھی، جس کے تحت اضافی طور پر ایک بلین ڈالر جمع کیے گئے تھے۔

Facebook Twitter Google + Share on Whatsapp

مزید متعلقہ خبریں پڑھئیے‎ :

ترقی پذیر ممالک میں توانائی کی منتقلی کو تیز کرنے کے لئے فنانسنگ اور سرمایہ کاری کو متحرک کرنے کے لئے بین الاقوامی تعاون کو بڑھایا جانا چاہئے، پاکستانی ..

بدھ 17 اپریل 2024 - 23:26

سوشل میڈیا پر میرا کوئی اکائونٹ نہیں، سابق کرکٹر سعید انور

بدھ 17 اپریل 2024 - 21:27

پاکستان کرکٹ ٹیم کی آئی سی سی ٹی ٹوئنٹی ورلڈ کپ کی تیاریوں کا آغاز

بدھ 17 اپریل 2024 - 21:25

ترقی پذیر ممالک میں توانائی کی منتقلی کو تیز کرنے کے لئے فنانسنگ اور سرمایہ کاری کو متحرک کرنے کے لئے بین الاقوامی تعاون کو بڑھایا جانا چاہئے، فیصل ..

بدھ 17 اپریل 2024 - 21:21

سندھ ہائی کورٹ : پی ٹی اے کو ایکس کی بندش کی معقول وجہ بتانے کا حکم

بدھ 17 اپریل 2024 - 20:53

انٹر بینک میں روپے کے مقابلے ڈالر کی قدر مستحکم رہی جبکہ اوپن مارکیٹ میں ڈالر مہنگا

بدھ 17 اپریل 2024 - 20:53

مودی سرکار نے ”سر“ پکڑ لیا،بھارت میں 117 ارب ڈالر کی ٹیکس چوری،معافی کے اعلان کے باوجود ہر18کمانے والے افراد میں سے صرف ایک شخص ٹیکس ادا کرتا ہے

مزید متعلقہ خبریں پڑھئیے‎ :

متعلقہ عنوان :

بدھ 20 اپریل 2016 کی مزید خبریں