الیکشن 2018میں کامیابی کیلئے مدرسہ حقانیہ کو 30کروڑ روپے کی قسط ادا کی گئی ، سردار حسین بابک
جمعہ 1 جولائی 2016 10:08
پشاور ( اُردو پوائنٹ اخبارآن لائن۔1جولائی۔2016ء) عوامی نیشنل پارٹی کے صوبائی جنرل سیکرٹری و پارلیمانی لیڈر سردار حسین بابک نے کہا ہے کہ پختون قوم تبدیلی کے نام پر ووٹ دے کر پچھتا رہی ہے تاہم اب 2018 کے الیکشن میں کوئی حکیم اللہ محسود پی ٹی آئی کو سپورٹ کرنے نہیں آئے گا،صوبے میں نسبتاً جو امن قائم تھا اس کا تمام کریڈٹ اے این پی کو جاتا ہے اور اس امن میں ہمارے سینکڑوں شہداء کا خون شامل ہے ،اپنے ایک بیان میں انہوں نے کہا کہ مدرسہ حقانیہ کو 30کروڑ روپے کی رشوت آئندہ الیکشن میں کامیابی کیلئے دی گئی تاہم اب ایسا نہیں ہو گا اور ان کے ہمدرد پی ٹی آئی کو اقتدر نہیں دلوا سکیں گے عوام یہ بات جان چکے ہیں کہ صوبے کے حقوق کا تحفظ اے این پی کے بغیر کوئی دوسری قوت نہیں کر سکتی ، انہوں نے مزید کہا کہ اے این پی پختونوں کے حقوق کی محافظ جمہوریت پسند اور خدائی خدمت گار تحریک کی تسلسل جماعت ہے اور اپنے راستے میں آنے والی ہر دیوار کو گرانے کی طاقت رکھتی ہے، انہوں نے کہا کہ ماضی میں اس جماعت کو کمزور کرنے کی ناکام کوششیں کی گئیں لیکن سہاروں اور دہشتگردوں کی معاونت سے ایوانوں میں پہنچنے والوں کی سازشیں ناکام ہوئیں اور وقت کی ہماری وکالت کرتے ہوئے ثابت کیا کہ ہم پر کیچڑ اچھالنے والے خود اس جال میں پھنس گئے ، سردار حسین بابک نے کہا کہ خان صاحب آج اس سوچ سے تعلق رکھنے والے عناصر کو سرٹیفیکیٹ دے رہے ہیں جن مذہبی جنونیوں نے پختون معاشرے میں لڑکیوں کی تعلیم اور پولیو مہم کے خلاف کس قدر بلیک میلنگ کی اور کتنی ہی مراعات لیں ،انہوں نے کہا کہ خیبر بنک کی نجکاری کی مذموم سازش کبھی کامیاب نہیں ہونے دینگے جبکہ بلین ٹری سونامی میں بھی اب بڑے بڑے نام سامنے آنا شروع ہو گئے ہیں ، انہوں نے کہا کہ محکمہ صحت اور دیگر شعبوں کو پی ٹی آئی کے مالی معاونین کے ہاتھوں فروخت کرنے پر اے این پی کبھی خاموش نہیں رہے گی ،صوبائی جنرل سیکرٹری نے کہا کہ اے این پی کی تاریخ قربانیوں سے بھری پڑی ہے جو لوگ ماضی میں کونسلر بننے کے اہل نہیں تھے وہ حکیم اللہ محسود کی معاونت سے ایوانوں تک جا پہنچے تاہم 2018میں کوئی حکیم اللہ نہیں آئے گا اور پختون قوم اپنے ساتھ دھوکہ کرنے والوں کو گھر بھیج دے گی ، انہوں نے کہا کہ آئندہ الیکشن میں اے این پی کلین سویپ کرے گی اور صوبے میں ترقی کا رک جانے والا پہیہ دوبارہ چلنے لگے گا،صوبائی جنرل سیکرٹری نے کہا کہ صوبے کی خوشحالی اور ترقی کیلئے ہم نے اپنی حکومت میں جو منصوبے مکمل کئے ملک کی 65سالہ تاریخ میں اس کی مثال نہیں ملتی تاہم یہ بات قابل افسوس ہے کہ آج ایسے لوگوں کو اقتدار سونپا گیا ہے جن میں نہ تو حکومت چلانے کی صلاحیت ہے ا ور نہ ہی انہیں صوبے کے مفادات سے کوئی دلچسپی ہے اور اسی کا نتیجہ ہے کہ عوام ووٹ دینے کے اپنے فیصلے پر پچھتا رہے ہیں اور اے این پی اس خطے کی نمائندہ پارٹی کے طور پر پھر سے اپنی جگہ پا رہی ہے ، انہوں نے کہا کہ بہت سی قوتیں انتہا پسندی کے معاملے پر مصلحت ، خوف اور دباوٴ کا شکار ہیں تاہم اے این پی تمام تر قربانیوں ، زیادتیوں اور دباوٴ کے باوجود میدان میں ڈٹی ہوئی ہے اور ہماری تحریک ، جدوجہد اس وقت تک جاری رہے گی جب تک اس خطے اور صوبے کو امن اور ترقی کا گہوارا نہیں بنایا جاتا ، انہوں نے کہا کہ اے این پی 2018ء کے الیکشن کیلئے بھرپور تیاری کر رہی ہے۔
مزید متعلقہ خبریں پڑھئیے :
متعلقہ عنوان :
جمعہ 1 جولائی 2016 کی مزید خبریں
-
میاں چنوں:بابا عید کیلئے نئے کپڑے لا دیں،ظالم شخص نے 3 سالہ بیٹے کو زمین پر پٹخ کر مار دیا
-
وزیراعلیٰ پنجا ب نے وزیراعظم کی وطن واپسی پر انکے اعزاز میں استقبالیہ جلسہ منسوخ کردیا
-
چینی سرمایہ کاروں کی سرکلر ریلوے اور دریائے سندھ پر پل تعمیر کرنے کی پیشکش
-
قومی اسمبلی قائمہ کمیٹی قانون و انصاف نے نیب آرڈیننس کو مذید بہتر بنانے کیلئے سب کمیٹی تشکیل دیدی
-
لاہور،شادباغ کے علاقے میں زہریلا شوارما کھانے سے ایک ہی خاندان کے 30 افراد کی حالت غیر ہوگئی
-
قندیل بلوچ کیخلاف بلوچوں کوبدنام کرنے پرپانچ کروڑہرجانے کانوٹس
-
الیکشن 2018میں کامیابی کیلئے مدرسہ حقانیہ کو 30کروڑ روپے کی قسط ادا کی گئی ، سردار حسین بابک
-
کارکن صارفین کو اوور بلنگ سے بچانے کیلئے موبائل میٹر ریڈنگ کو کامیاب بنائیں، خواجہ آصف
-
پنجاب رینجرز کا یونیفارم تبدیل
-
خیبر پختونخوا افغانیوں کی سر زمین تھی اور ہے ہم افغان مہاجرین کو اپنے دلوں میں جگہ دینے کو تیار ہے ،محمود خان اچکزئی
-
عید کا تحفہ، وفاقی حکومت کا جولائی میں لائٹ ڈیزل کے سوا چار پٹرولیم مصنوعات کی قیمتیں برقرار رکھنے کا اعلان
-
کویت سٹی میں گھرمیں آگ لگنے سے 9پاکستانی جاں بحق،25زخمی
-
وزیر اعظم کے استعفیٰ کے بارے بے بنیاد افواہیں پھیلائی گئیں،چوہدری نثار
-
مذاکرات کیلئے بھارت کے جواب کا انتظار ہے ،ملک میں سول اور ملٹری قیادت میں ہم آہنگی ہے:دفتر خارجہ
-
میرے استقبال اور دیگر دتقریبات منسوخ کردیں،وزیر اعظم کی کارکنوں سے اپیل
-
جس حکومت کا وزیر اعظم اور وزیر خارجہ نہ ہو ایسی حکومت کو نہیں مانتے ،بلاول بھٹو زرداری
-
عوامی تحریک نے وزیراعظم کی نااہلی کیخلاف الیکشن کمیشن میں ریفرنس جمع کروا دیا
-
افغان ہمارے بھائی ہیں لیکن ان کا ملک افغانستان ہے پاکستان نہیں ۔مشتا ق احمد غنی
-
سپریم کورٹ ، بھینسوں کی سپرداری سے متعلق کیس میں پشاور ہائی کورٹ کا فیصلہ کالعدم قرار ، اصل مالک کے حوالے کر نے کا حکم
-
پاکستان کے ساتھ تمام مسائل پربات چیت کیلئے تیار ہیں، دونوں ممالک کے سفیر سازگار ماحول کے لئے کام کر رہے ہیں ، بھارتی ہائی کمشنر گوتھم بمبا والا
-
اقوام متحدہ کا افغان مہاجرین کو وطن وا پسی کے لئے مزید چھے ماہ کی مہلت دینے پر پاکستانی حکومت کا شکریہ
-
امجد صابری کا کسی سیاسی جماعت سے تعلق نہیں تھا ،ہمارا مقصد امن کا پیغام دینا ہے، بھائی عظمت صابری
-
آرمی چیف نے کراچی اجلاس میں سیاستدانوں اور پولیس کو وارننگ دی، نبیل گبول کا دعویٰ
-
برطانیہ یورپی یونین میں دوبارہ شامل ہو سکتا ہے،جرمن نائب چانسلر
-
روس اسلحے کی کسی دوڑ میں شامل نہیں ہو گا، صدر ولادیمیر پیوٹن
-
کروشیا سربیا سے متصل سرحد پر رکاوٹیں نصب کر دیں
-
استنبول ہوائی اڈہ حملہ، خودکش حملہ آوروں کا تعلق روس، ازبکستان اور قرغزستان سے تھا،ترکی
-
بھارت میں تین سے چھ سال کی عمر کے 7 کروڑ 40 بچوں میں سے تقریباً 2 کروڑ بچے اسکول کی ابتدائی تعلیم بھی حاصل نہیں کر پاتے، یونیسف رپورٹ
-
رومی تمہارا نہیں ہے
-
افغانستان ،کابل میں پولیس بس پر2خودکش حملے 40اہلکار ہلاک ،متعدد زخمی
-
بھارت نے اسرائیل کے اشتراک سے میزائل تجربہ کرلیا
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.