ڈریپ میں کمپنیوں کے ایجنٹ بیٹھے ہیں،این اے کمیٹی صحت
جس گولی کی قیمت انڈیا میں 4روپے ہے اسی کمپنی کی وہی گولی پاکستان میں32 روپے میں فروخت ہو رہی ہے کوئی پوچھنے والا نہیں,ڈریپ نے ادویات کی قیمتوں میں اضافہ کر کے قوم کا کچومر نکال دیا
جمعہ 22 جولائی 2016 10:16
اسلام آباد (اُردو پوائنٹ اخبارآن لائن۔22جولائی۔2016ء )قومی اسمبلی کی قائمہ کمیٹی برائے قومی صحت نے کہا ہے کہ ڈریپ میں کمپنیوں کے ایجنٹ بیٹھے ہیں جس کی وجہ سے وہ اپنی مرضی کے فیصلے کروا لیتے ہیں ،ڈریپ میں مافیا موجود ہے جو کہ ان کو مدد فراہم کرتا ہے ۔جس گولی کی قیمت انڈیا میں 4روپے ہے اسی کمپنی کی وہی گولی پاکستان میں32 روپے میں فروخت ہو رہی ہے کوئی پوچھنے والا نہیں ہے ۔
ڈریپ نے ادویات کی قیمتوں میں اضافہ کر کے قوم کا کچومر نکال دیا ہے ۔ادویہ ساز کمپنیاں ڈاکٹر وں کو بیرون ملک دورے کرواتی ہیں حتی کے ان کے بچوں کے میڈیکل کالجز کی فیسیں بھی ادویہ ساز کمپنیاں دیتی ہیں ۔ان کو کنٹرول کیا جائے ،کھلی گولیوں پر پابندی لگائی جائے مارکیٹوں میں بوریوں میں ڈال کے یہ گولیا ں سپلائی کی جاتی ہیں ۔(جاری ہے)
چیئرمین قائمہ کمیٹی نے کہا کہ9 اگست سے روزانہ کی بنیاد پر کمیٹی کی میٹنگ رکھی جائے گی اور ان کے سسٹم کو ٹھیک کیا جائے جبکہ کمیٹی میں انکشاف کیا گیا کہ ادویات کی قیمتوں میں اضافہ کنزیو مرپرائس انڈیکس کے تحت کیا گیا ہے ،جس میں نان شیڈول ادویات میں 2.1 فیصد اضافہ ہو گا اور شیڈول ادویات میں 1.5 فیصد اضافہ ہو ا ہے ، ادویہ ساز کمپنیوں نے اپنی مرضی سے قیمتوں میں اضافہ کر لیا ہے،اور سندھ ہائی کورٹ نے ڈریپ کوئی بھی ایکشن لینے سے منع کر دیا ہے۔
کمیٹی کا اجلاس جمعرات کو چیئرمین خالد حسین مگسی کی زیر صدارت ہوا ۔جس میں اراکین کمیٹی کے علاوہ سیکرٹری وزارت قومی صحت ،صدر پی ایم ڈی سی ،سی ای او ڈریپ ،ڈائریکٹر ملیر یا پروگرام نے شرکت کی ۔کمیٹی کو بریفنگ دیتے ہوئے سی ای او ڈریپ نے کہا کہ قانونی سازی کی ضرورت ہے جس پر چیئرمین کمیٹی نے کہا کہ قانون سازی کس نے کرنی ہے ۔ڈاکٹر نثار جٹ نے کہا کہ تین سال سے آپ کیا کر رہے تھے اگر قانون سازی نہیں ہوئی تو آ پ نے آج تک کمیٹی کو کیوں نہیں بتایا ،9 اگست تک آ پ اپنی تیاری کریں اور جو بھی قانون سازی کر نی ہے اس کی تجاویز کمیٹی میں دیں ہم ہر طرح کی مدد فراہم کریں گے ۔ہم نے پی ایم اینڈ ڈی سی کو ٹھیک کیا ہے اب ڈریپ کو بھی ٹھیک کرنا پڑے گا ۔کمیٹی کو بریفنگ دیتے ہوئے ملیریا کنٹرول پروگرام کے ڈائریکٹر ڈاکٹر بصیر اچکزئی نے کہا کہ پنجاب کے علاوہ تمام صوبو ں کے مختلف اضلاع میں ملیریا کنٹرول پروگرام نے 2014 میں 51 لاکھ ملیریا کے سیمپل حاصل کئے ہیں جن میں سے 2 لاکھ 75 ہزار سیمپلز پازیٹو پائے گئے ۔جب کہ 2015 میں 53 لاکھ سیمپلز حاصل کئے گئے جن میں سے 2 لاکھ سیمپلز پازیٹو پائے گئے ۔کمیٹی نے ہدایت کی کہ مزید اضلاع میں بھی کام کیا جائے ۔ایڈز کنٹرول پروگرام کی ڈاکٹر صوفیہ نے بھی بریفنگ دیتے ہوئے کہا کہ ملک بھر میں 15 ہزار پانچ سو رجسٹرڈ مریض ہیں جن کو مفت ادویات فراہم کی جاتی ہیں ۔ڈاکٹر اظہر جدون نے سوال کیا کہ آپ کا بجٹ کتنا ہے جس پر جواب دیا گیا کہ ہمارے پاس کوئی بجٹ نہیں ۔کمیٹی نے ہدایت کی کہ ایڈز سے بچاؤ کے لیے ملک بھر میں آگاہی مہم شروع کی جائے اور کوشش کی جائے کہ پولیو کے ساتھ ساتھ اس کی بھی تشہیر کی جائے اور تمام پروگرامز کو ایک جگہ کیا جائے ۔پاکستان میڈیکل اینڈ ڈینٹل کونسل کی طرف سے بریفنگ دیتے ہوئے ڈاکٹر شبیر لہڑی نے کمیٹی کو بتایا کہ پی ایم اینڈ ڈی سی بل قو می اسمبلی سے پاس ہونے کے بعد سینٹ میں پیش کیا گیا اور سینٹ کی قائمہ کمیٹی نے بھی اس بل کو پاس کرنے کی سفار ش کر دی لیکن سینٹ نے اس بل کو روک لیا ۔اب اس بل کو نوے دن گز ر چکے ہیں ۔اس لیے یہ بل نہ تو منظور کیا گیا ہے اور نہ ہی مسترد کیا گیا ہے ۔جس پر چیئرمین کمیٹی نے پارلیمنٹ کے لیگل آفیسر کو بلا کر اس پر رائے لینے کی ہدایت کی ،لیگل آفیسر نے کہا کہ نوے دن گزرنے کے بعد اس بل کو صرف جوائنٹ سیشن میں پیش کیا جا سکتا ہے ۔جس پر کمیٹی اراکین نے صدر پی ایم ڈی سی کو کہا کہ ہم اس بل کو جوائنٹ سیشن میں پیش کروا کے پاس کروا لیں گے ۔ڈاکٹر شبیر لہڑی نے بتایا کہ میں امریکہ میں گیا ہوا تھا ان کی کونسل نے پاکستان کی پی ایم ڈی سی کو بلیک لسٹ کر دیا تھا لیکن ہماری درخواست پر انہوں نے ایک سال کے لیے توسیع کر دی ہے ۔پی ایم ڈی سی کے نظا م کو مزید بہتر کرنے کے لیے کوشش کر رہے ہیں ۔مزید متعلقہ خبریں پڑھئیے :
جمعہ 22 جولائی 2016 کی مزید خبریں
-
ڈبلیو ڈبلیو ای کی تاریخ میں پہلے پاکستانی کا سفر ابتداء میں ہی ختم
-
کرکٹ مداحوں نے انسٹا گرام پر جان سینا کی جگہ ویرات کوہلی کی تصویر اپ لوڈ کردی
-
حیدر آباد کے قریب حساس اداروں کی کاروائی ،محمد علی عرف اسد کھرل گرفتار
-
قندیل بلوچ کے قتل پر بہت افسوس ہوا ہے وہ عاقل اور بالغ لڑکی تھی اس کو اپنی مرضی کے مطابق جینے کا حق حاصل تھا،سینیٹر حمد اللہ کی گفتگو
-
اسلام آباد ،وفاقی وزیر خزانہ اسحاق ڈار کی زیر صدارت لاء ریویو کمیٹی کا اہم اجلاس
-
بارودی شہر کے بعد عالمی ادارہ صحت نے پشاور کو دنیا کا دوسرا آلودہ ترین شہر قرار دیدیا
-
پیپلز پارٹی آزاد کشمیرکا( ن) لیگ پر دھاندلی کا الزام ، انتخابی نتائج کو مسترد کر دیا
-
ڈریپ میں کمپنیوں کے ایجنٹ بیٹھے ہیں،این اے کمیٹی صحت
-
مقروض سری لنکن ایئر لائنز کا نئے ایئر بس طیارے پَٹے پر پاکستان اور ایران کو دینے کا فیصلہ
-
مزار قائد کیلئے چین کی طرف سے نئے فانوس کا تحفہ
-
بیوی سے دوسری شادی کی اجازت نہ ملنے پر شوہر نے 5 سالہ بیٹے کو نہر میں پھینک دیا
-
میکسیکو میں صحافی کو بیگم اور بچوں کے سامنے قتل کر دیا گیا
-
اقوام متحدہ کا حلب میں اڑتالیس گھنٹے کی جنگ بندی کا مطالبہ
-
انڈونیشیا نے کمیونسٹ ہلاکتوں کے الزام کو مسترد کر دیا
-
یورپی یونین کو استحکام کے لیے اصلاحات کی ضرورت ہے ، ویز گراڈ گروپ
-
کویتی حکومت کا یمنی تنازعے کے فریقین کو امن معاہدے تک پہنچنے کیلئے 15 دن کا الٹی میٹم
-
نائجیریا کی فوج نے بوکوحرام کے 42 عسکریت پسند ہلاک کر دیے
-
اولمپکس گیمز کے دوران دہشت گردی کا بڑا منصوبہ ناکام
-
آسٹریلوی اسکول میں تالیاں بجانے پر پابندی
-
چین کی سرحد پر بھارت کیا کرنے کی تیاری کر رہا ہے ؟ انتہائی پریشان کن انکشاف
-
غداروں کیلئے الگ قبرستان بنایا جائے گا،گزرنے والے لعنت بھیجیں گے:میئر استنبول
-
آزاد کشمیر انتخابات۔مسلم لیگ (ن) نے 41 میں سے 32 نشستیں حاصل کر کے واضح برتری حاصل کر لی
-
آزاد کشمیر میں پر امن انتخابات جمہوری طاقتوں کی فتح ہے ، یہ انتخابات جمہوریت پر عوام کے اعتماد کے عکاس ہیں ، ہار اور جیت انتخابات کا حصہ ہیں ، امید ہے کہ منتخب نمائندے آزاد کشمیر کے عوام کی فلاح کے ... مزید
-
وزیراعظم کے خلاف بھارت میں مقدمہ پوائنٹ اسکورنگ ہے ،سرتاج عزیز
-
خورشید شاہ،اسحاق ڈار ملاقات،الیکشن کمیشن ارکان کیلئے ناموں پر مشاورت
-
کراچی بد امنی کیس ، سپریم کورٹ نے پولیس کی رپورٹس مسترد کردی
-
سندھ ہائی کورٹ نے وسیم اختراوررؤف صدیقی کی درخواست ضمانت مسترد کردی
-
نیب نے شرمیلا فاروقی کی نااہلی کیلئے الیکشن کمیشن کو خط لکھ دیا
-
اسلام آباد، حکومت نے رئیل اسٹیٹ سیکٹر کے سامنے گھٹنے ٹیک دیئے
-
سندھ میں رینجرز کے اختیارات کا معاملہ، سابق صدر زرداری نے 24جولائی کو دبئی میں اجلاس طلب کر لیا
-
ایران کے عازمین پاکستان کے راستے سعودی عرب نہیں جا رہے، این اے کمیٹی کو بریفنگ
-
چینی سفیر نے اقتصادی راہداری منصوبہ سے متعلق افواہوں کو بے بنیاد قراردیدیا
-
مظاہرین نے انجن آئل پھینکنا شروع کردیا،مقبوضہ کشمیر میں بھارتی فوجیوں کا بیٹھنا بھی محال ہوگیا: رپورٹ
-
برطانیہ نے چینی تنظیم” ایسٹ ترکستان اسلامک موومنٹ “ کو دہشت گرد قرار دیدیا
-
لیگی رکن اسمبلی کی گاڑی سے ٹکراکر 2 نوجوان جاں بحق ،ڈرائیور گرفتار ، مقدمہ درج
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.