عمران خان عدالت میں بھی بار بار موقف تبدیل کررہے ہیں، فتح ہماری ہو گی ،مسلم لیگ(ن)
چیئرمین پی ٹی آئی گزشتہ تین سال سے ملک میں ہیجان کی کیفیت پیدا کررہے ہیں ، ذاتی مفادات کیلئے پانامہ کیس کو بھی سیاسی بنا دیا گیا ہے،یہ لوگ سنجیدہ ہوتے تو کوئی اچھے وکیل کرلیتے خیبرپختونخوا میں اے پی ایس سانحہ ہوا ،جیل ٹوٹی ، خیبر بینک سکینڈل سامنے آیا مگر ہم نے کسی سے استعفے نہیں مانگے،عمران خان کچھ تو شرم کریں،خواجہ آصف اور خواجہ سعد کی گفتگو
جمعہ 27 جنوری 2017 11:56
اسلام آباد(اُردو پوائنٹ اخبارآن لائن۔27جنوری۔2017ء)وفاقی وزراء خواجہ محمد آصف اور خواجہ سعد رفیق نے کہا ہے کہ عمران خان عدالت میں بھی اپنا موقف بار بار تبدیل کررہے ہیں مگر ہم اپنے موقف پر ڈٹے ہیں اور فتح ہماری ہو گی ، عمران خان گزشتہ تین سال سے ملک میں ہیجان کی کیفیت پیدا کررہے ہیں ، ذاتی مفادات کیلئے پانامہ کیس کو بھی سیاسی بنا دیا گیا ہے،یہ لوگ سنجیدہ ہوتے تو کوئی اچھے وکیل کرلیتے ،خیبرپختونخوا میں اے پی ایس سانحہ ہوا ،جیل ٹوٹی ، خیبر بینک سکینڈل سامنے آیا مگر ہم نے کسی سے استعفے نہیں مانگے،عمران خان کچھ تو شرم کریں۔
سپریم کورٹ کے باہر میڈیا سے گفتگو کرتے ہوئے خواجہ محمد آصف نے کہا کہ عمران خان عدالت میں بھی یو ٹرن لے رہے ہیں اور بار بار اپنا موقف تبدیل کرتے پھر رہے ہیں ، اس ساری عدالتی کارروائی میں وزیراعظم نوازشریف کہیں نظر نہیں آئے ، مسلم لیگ (ن) کا موقف ایک ہی ہے اور یہی ہمارا فائنل موقف ہے اور فتح بھی ہمارے موقف کی ہی ہو گی ۔(جاری ہے)
انہوں نے کہاکہ عمران خان کتنے جمہوری ہیں یہ عوام اچھی طرح جانتے ہیں ، عمران خان اکتوبر1999ء میں ڈکٹیٹر پرویز مشرف کے غیر قانونی و غیر آئینی اقدام میں ڈکٹیٹرشپ کے ساتھ کھڑے تھے اور وہ خوش تھے کہ شاید انہیں وزیراعظم بنا دیا جائے مگر وہ اس میں ناکام ہوئے اس کے بعد عمران خان 2014ء میں دھرنے دینے آگئے اور امپائر کی انگلی کا انتظار کرتے رہے کیونکہ وہ امپائر پر یقین رکھتے تھے اور وہ امپائر کے ذریعے اقتدار میں آنا چاہتے تھے ۔
انہوں نے کہاکہ دنیا اور آخرت کا امپائر صرف اللہ تعالیٰ ہے جبکہ انگلی اٹھانے والے امپائر پر عمران خان کا ایمان ہے ہمارا نہیں ، انہوں نے کہاکہ آپ لوگ مخدوم جاوید ہاشمی کی باتوں سے بھی اندازہ لگتا سکتے ہیں کہ عمران خان کا جمہہوریت پر کتنا ایمان ہے ۔خواجہ آصف نے کہا کہ ملکی تاریخ میں کسی بھی سیاسی لیڈر نے اپنے آپ کو احتساب کیلئے پیش نہیں کیا مگر نوازشریف نے خود اور اپنے خاندان کو احتساب کے لئے پیش کیا بلکہ خاندان کی تین نسلوں کو احتساب کیلئے پیش کردیا جو کہ اب دنیا میں نہیں رہے ، نوازشریف کا جمہوریت پر ایمان ہے اور ہم عدالت میں ہر سوال کا جواب دے رہے ہیں مگر عمران خان سے حساب مانگا جائے تو وہ اپنی پچھلی ایک نسل کا بھی حساب نہیں دے سکیں گے ۔انہوں نے عمران خان سے سوال کیا کہ وہ سات بلین ڈالر زکواة کا پیسہ کہاں گیا ؟ عمران خان نے اپنے ماں کے نام پر ہسپتال بنایا اور لوگوں سے زکواة لے کر سارا پیسہ جوئے پر پر لگایا اور پراپرٹی خریدی ۔انہوں نے کہاکہ مسلم لیگ (ن) ملکی ترقی کیلئے کام کررہی ہے اور حال ہی میں ملتان میں میٹروبس اور پاور پلانٹ کا افتتاح کردیا ہے ، ہمارا ہر قدم ملکی ترقی کیلئے اٹھ رہا ہے اور نئی سمت میں اٹھ رہا ہے مگر عمران خان اپنے ذاتی مفاد کے لئے پاگل ہو گئے ہیں اور وہ ترقی کی راہ میں رکاوٹیں کھڑی کررہے ہیں۔اس موقع پر وفاقی وزیر ریلوے خواجہ سعد رفیق نے کہا کہ ہمارے مخالفین کی بے چینی اور بے قراری سمجھ آتی ہے ، یہ لوگ ہماری کارکردگی کی وجہ سے بوکھلاہٹ کا شکار ہیں اور ان کو خوف ہے کہ ان کی سیاست ختم ہو جائے گی ۔ انہوں نے کہا کہ عمران خان کو خیبرپختونخواہ پر توجہ دینی چاہیے وہاں اصلاحات کرنی چاہیے نہ کہ پانامہ کیس کی سماعت کے دوران روز عدالتوں کے چکر لگانے چاہیں ،انہوں نے کہاکہ پانامہ کیس خالصتاً سیاسی مقدمہ بن گیا ہے اور اس کیس کی آڑ میں سیاست چمکائی جارہی ہے کیونکہ اگر یہ لوگ سنجیدہ ہوتے تو اچھے اور بہترین وکیل کرتے اور عدالتوں میں ثبوت پیش کرتے۔یہ لوگ کیس میں سنجیدہ نہیں ہیں ۔انہوں نے کہاکہ عمران خان نے پہلے بھی دھر نے دیئے اور ترقی کی راہ میں روڑے اٹکائے اور اب سیاست کرکے عدالتوں کا وقت ضائع کررہے ہیں کیونکہ عمران خان کا اصل ٹارگٹ ملک میں ہیجان کی کیفیت پیدا کرنا ہے جو وہ گزشتہ تین سال سے پیدا کرنے کی کوشش کررہے ہیں ، خان صاحب نے سی پیک میں رخنہ ڈ الا تو اس سے نوازشریف یا مسلم لیگ (ن) کا نقصان نہیں ہوا بلکہ ملک و قوم کا نقصان ہوا ، خان صاحب انتشار نہ پھیلاتے اور ملک کی ترقی کیلئے ہمارا ساتھ دیتے تو ملک اور آگے بڑھ جاتا ۔انہوں نے کہا کہ عوام جانتے ہیں کہ عمران خان اپنے مرضی کے فیصلے پر خوشی کا اظہار کرتے ہیں اور فیصلہ ان کے خلاف آ جاتے تو سڑکوں پر نکل آتے ہیں اور کہتے ہیں کہ دھاندلی ہو گئی ، قوم کا حافظہ اتنا کمزور نہیں وہ ماضی میں دھاندلی کی رٹ لگانے والوں کو اچھی طرح جانتی ہے۔انہوں نے کہاکہ عمران خان اب خیبرپختونخوا کارخ کریں وہاں جائیں اور اپنے گریبان میں جھانکیں کہ وہاں کتنی کرپشن ہو رہی ہے ، خیبر بینک کا سکینڈل سب کے سامنے ہیں، ڈی آئی خان جیل ٹوٹ گئی ، اے پی ایس کا دلخراش سانحہ پیش آیا مگر ہم نے تو استعفوں کا مطالبہ نہیں کیا کیونکہ ہم قومی سانحات اور لاشوں پر سیاست نہیں کرتے ، عمران خان کو شرم آنی چاہیے۔انہوں نے کہاکہ بلاول بھٹو زرداری کو بھی سند پر توجہ دینی چاہیے اور سندھ میں اپنی حکمرانی کو ٹھیک کرنا چاہیے وہ وفاق اور پنجاب کی فکر چھوڑیں اپنا طرز حکمرانی سندھ میں ٹھیک کریں۔انہوں نے کہاکہ بعض ٹی وی چینل ون وے ٹریفک چلا رہے ہیں اور مسلم لیگ (ن) کی حکومت کو نیچا دکھانے میں لگے ہوئے ہیں اور عمران خان کو ہیرو بنا کر پیش کررہے ہیں ، میں ان سے کہنا تھا کہ ہوں اگر ان کے پاس سکرین ہے تو ہمارے پر بھی جلسہ گاہیں ہیں اور ہم عوام کو جلسوں کے ذریعے آگاہ کریں گے ۔انہوں نے کہاکہ ان چینلز کو ن لیگ کے ترقیاتی کام بھی دکھانے چاہیں مگر یہ صرف ون وے ٹریفک چلا رہے ہیں ۔انہوں نے کہاکہ مسلم لیگ (ن) ملک کو ترقی کے سفر پرگامزن رکھنے کیلئے اپنا سفر جاری رکھے گی۔ایک سوال کے جواب میں خواجہ سعد رفیق نے کہا کہ پاک چین توانائی منصوبے کے درمیان بجلی چلی جانے کی خبر من گھڑت تھی ، آپ ہی بتائیں کہ لوڈ شیڈنگ کم ہوئی ہے یا نہیں اور اس میں کتنی حد تک کمی آئی ہے ۔انہوں نے کہاکہ عمران خان خیبرپختونخواہ پر توجہ دیں ورنہ 2018ء میں کے پی کے سے بھی فارغ ہو جائیں گے ۔مزید متعلقہ خبریں پڑھئیے :
جمعہ 27 جنوری 2017 کی مزید خبریں
-
سپیکر ایاز صادق سے خورشید کی ملاقات ،فوجی عدالتیں ،تحریک استحقاق سمیت اہم امور پرگفتگو
-
سینیٹ قائمہ کمیٹی ہیلتھ ریگولیشنز کی ذیلی کمیٹی کا انسانی اعضاء کی پیوندکاری کیلئے علماء کی مدد لینے سے انکار
-
کراچی، کورنگی میں لڑکی کے بھائی نے نوجوان کو زندہ جلادیا
-
کراچی، سانحہ بلدیہ فیکٹری کیس ، انسداد دہشتگردی عدالت کا رؤف صدیقی کو شامل تفتیش کرنے کا حکم
-
میٹرو بس میں سفر مہنگا پڑ گیا،شہری کی دوران سفر جیب کٹ گئی،ہزاروں روپے محروم
-
قندیل بلوچ قتل کیس، مقتولہ کے والد عظیم کے خلاف مقدمہ درج
-
وفاقی دارالحکومت ، کشمیر، گلگت بلتستان سمیت ملک بھر بیشتر علاقوں میں بارش تھم نہ سکی
-
لاہور،قبرستان بچی کی نعش قبر سے نکالنے کا واقعہ
-
ایبٹ آباد,احتساب عدالت نے سابق صوبائی وزیرمعدنیات ضیاء اللہ آفریدی کی درخواست پر فیصلہ سنادیا
-
امریکہ، صدربننے کے بعد ٹرمپ نے چھ کمپنیوں کی سربراہی چھوڑ دی
-
امریکی صدر کا بدنام زمانہ گوانتا ناموبے جیل دوبارہ کھولنے کا حکم
-
تائیوان ، تین افراد کو اے ٹی ایم مشینوں سے 26لاکھ ڈالر چرانے پر جیل بھیج دیا گیا
-
افغانستان ‘ طوفانی برفباری کے باعث سردی میں شدت ‘ 27 بچے ہلاک
-
سرحدی دیوار کی تعمیر کا امریکی فیصلہ ناقابل قبول ہے ‘ میکسیکو
-
چین نے شمالی کوریا کو فوجی سازو سامان کی برآمد پر پابندی عائد کر دی
-
دہشت گردانہ حملہ، سولہ سالہ جرمن لڑکی کو چھ برس جیل کی سزا
-
بنگلہ دیش میں مظاہرین اور پولیس کے مابین جھڑپوں میں آنسو گیس کا استعمال
-
پاناما کیس :لندن فلیٹس کی منی ٹریل کی دستاویزات اور قطری شہزادے کا خط عدالت میں جمع
-
قومی اسمبلی اجلاس ، تحریک انصاف اور حکومتی انصاف الجھ پڑے ،ہاتھا پائی کے بعد مکے بھی چل گئے
-
جنرل (ر) راحیل شریف کو اراضی کے حوالے سے بحث فوج کی کردار کشی کے مترادف ہے،پاک فوج
-
حکومت پانی سے بجلی کے منصوبوں کیلئے ڈیمز کی تعمیر پر کام کر رہی ہے، نواز شریف
-
آف شور کمپنیاں مریم نواز کی ملکیت ہیں ، جرمن اخبار کا نیا انکشاف
-
آرمی چیف سے ترک ڈپٹی چیف آف جرنل اسٹاف جنرل امٹ ڈنڈار کی ملاقات
-
وزیراعظم نواز شریف نے تو اپنی تین نسلوں کا منی ٹریل دیدیا،یہ اپنی سیاست کا منی ٹریل دیں،خواجہ آصف
-
شریف خاندان کو بچانے کیلئے اداروں کی ملی بھگت سے جعلی دستاویزات بنائی جارہی ہیں، تحریک انصاف کا الزام
-
چیف جسٹس میاں ثاقب نثار کی مزار قائد پر حاضری
-
عمران خان عدالت میں بھی بار بار موقف تبدیل کررہے ہیں، فتح ہماری ہو گی ،مسلم لیگ(ن)
-
آصف زرداری نے امریکہ میں قیام بڑھا دیا
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.