کراچی، کورنگی میں لڑکی کے بھائی نے نوجوان کو زندہ جلادیا

جمعہ 27 جنوری 2017 11:20

کراچی(اُردو پوائنٹ اخبارآن لائن۔27جنوری۔2017ء)کراچی کے علاقے کورنگی زمان ٹاؤن میں لڑکی کے بھائی نے نوجوان کو زندہ جلادیا۔پولیس کے مطابق لڑکی کے بھائی فیاض نے ساتھی ناصر لمبا کیساتھ ملکرآگ لگائی، پولیس نے ملزمان کے خلاف مقدمہ درج کرکے ان کی تلاش شروع کردی۔

(جاری ہے)

کورنگی زمان ٹاؤن میں ایک ہفتے قبل دو ملزمان نے نوجوان شفیع کو آگ لگادی تھی، شفیع کو شدید زخمی حالت میں اسپتال لایا گیا جہاں وہ دم توڑ گیا۔پولیس کے مطابق شفیع نے مرنے سے قبل اپنے بیان میں فیاض اور ناصر کو واقعے کا ذمہ دار قرار دیا۔ مقتول شفیع کا موقف تھا کہ وہ فیاض کی بہن کو پسند کرتا تھا جس کی سزا میں اسے پیٹرول چھڑک کر آگ لگادی گئی۔پولیس نے مقدمہ درج کرکے ملزمان کی تلاش شروع کردی ہے