اسرائیلی فوج کی طرف سے غزہ کے مختلف مقامات پر 14 فضائی حملے،3فلسطینی زخمی

حملے آشقیلون شہر کے جوار پر کئے گئے راکٹ حملے کے جواب میں کئے گئے ہیں،اسرائیلی فوج کا دعویٰ

منگل 7 فروری 2017 22:49

مقبوضہ بیت المقدس(اُردو پوائنٹ اخبارآن لائن۔8فروری۔2017ء)اسرائیلی فوج نے غزہ کے مختلف مقامات پر 14 فضائی حملے کئے۔غیر ملکی میڈیا کے مطابق غزہ کی وزارت داخلہ کی طرف سے جاری کردہ تحریری بیان میں کہا گیا ہے کہ اسرائیلی فوج نے کل سے لے کر اب تک غزہ میں 14 حملے کئے ہیں جن کے نتیجے میں 3 فلسطینی زخمی ہو گئے ہیں اور کثیر تعداد میں عمارتوں کو نقصان پہنچا ہے۔

(جاری ہے)

حماس کی طرف سے جاری کردہ تحریری بیان میں کہا گیا ہے کہ اسرائیل کو فضائی حملوں کے جاری رہنے سے متعلق متنبہ کیا گیا ہے اور کہا گیا ہے کہ واقعات کے بڑھنے کی صورت میں ایکٹیوسٹ متحرک ہو جائیں گے۔اسرائیلی فوج کے ترجمان پیٹر لرنرڈ کے مطابق حملے کل صبح کے وقت آشقیلون شہر کے جوار پر کئے گئے راکٹ حملے کے جواب میں کئے گئے ہیں۔ تاہم غزہ کی پٹی کے فلسطینی گروپوں میں سے کسی نے راکٹ حملے کی ذمہ داری قبول نہیں کی۔

دوسری طرف اسرائیلی فوج نے غزہ کی سرحد پر 2 فلسطینیوں کو حراست میں لے لیا ہے۔اسرائیلی روزنامے یڈوئٹ آہارونوٹ کی انٹر نیٹ سائٹ سے شائع ہونے والی خبر کے مطابق غزہ کے وسطی حصے کی سرحد سے 2 فلسطینیوں کو حراست میں لے لیا گیا ہے تاہم حراستوں کے سبب کے بارے میں معلومات فراہم نہیں کی گئیں۔

Facebook Twitter Google + Share on Whatsapp

اسرائیلی فوج کی طرف سے غزہ کے مختلف مقامات پر 14 فضائی حملے،3فلسطینی زخمی

حملے آشقیلون شہر کے جوار پر کئے گئے راکٹ حملے کے جواب میں کئے گئے ہیں،اسرائیلی فوج کا دعویٰ

بدھ 8 فروری 2017 کی مزید خبریں