فوجی عدالتوں میں توسیع کا معاملہ خود قومی مفاد میں ٹیک اپ کیا ہے،سپیکر قومی اسمبلی کا انکشاف

حکومت کا اس حوالے سے ان پر کوئی دبائو نہیں تھا ،ایسے معاملات پر ہمیں سیاست نہیں کرنی چاہیے امید ہے جلد حکومت اور اپوزیشن فوجی عدالتوں میں توسیع کے معاملے پر متفق ہوجائیں گے قومی اسمبلی میں جھگڑا کرنے والوں کا معاملہ نمٹا دیا ہے کسی کے خلاف کاروائی نہیں ہوگی کیونکہ سب کو احساس ہوگیا کہ جو ہوا غلط ہواہے،خصوصی گفتگو

بدھ 8 فروری 2017 22:10

اسلام آباد(اُردو پوائنٹ اخبارآن لائن۔9فروری۔2017ء)سپیکر قومی اسمبلی سردار ایاز صادق نے انکشاف کیا ہے کہ فوجی عدالتوں میں توسیع کا معاملہ انہوں نے خود قومی مفاد میں ٹیک اپ کیا ہے حکومت کا اس حوالے سے ان پر کوئی دبائو نہیں تھا ،ایسے معاملات پر ہمیں سیاست نہیں کرنی چاہیے اور انھیں امید ہے کہ جلد حکومت اور اپوزیشن فوجی عدالتوں میں توسیع کے معاملے پر متفق ہوجائیں گے۔

قومی اسمبلی میں جھگڑا کرنے والوں کا معاملہ نمٹا دیا ہے کسی کے خلاف کاروائی نہیں ہوگی کیونکہ سب کو احساس ہوگیا کہ جو ہوا غلط ہواہے۔ بدھ کے روز خصوصی گفتگو میں ان کا کہنا تھا کہ ان کی ذاتی رائے میں فوجی عدالتوں نے دو سالوں میں اچھا کام کیا اور ملک میں دہشت گردی کے خاتمے اور امن وامان کی صورت حال بہتر ہوئی لہذا انہوں نے خود یہ اقدام اٹھایا کہ پارلیمانی لیڈرز کو اعتماد میں لیکر فوجی عدالتوں کے قیام میں توسیع کی جائے اور اس کے لئے آئین میں ترمیم کی ضرورت ہوگی پہلے بھی ہم نے اتفاق رائے سے قومی مفاد میں فیصلہ کیا تھا اب بھی سیاسی قیادت قومی مفاد کو سامنے رکھے گی چار اجلاس ہو چکے ہیں اور وہ پر امید ہیں کہ ائندہ اجلاس میں کسی مثبت نتیجے پر پہنچ جائیں گے ،فوجی حکام نے پارلیمانی لیڈرز کے سوالات کے جواب دیئے ہیں ایک سوال پر انہوں نے کہا کہ نیب قوانین کے جائزے کے لئے پارلیمانی کمیٹی بھی سب کے اتفاق رائے سے قائم کی گئی ہے جو اپنا کام کر رہی ہے ۔

(جاری ہے)

ان کا کہنا تھا کہ گزشتہ دنوں قومی اسمبلی میں جو بدترین ہنگامہ آرائی ہوئی اور اراکین کا جھگڑا ہوا وہ افسوسناک تھا ہم جب حلف اٹھاتے ہیں تو آئین کی پاسداری کا حلف اٹھاتے ہیں اور اسی آئین کی کتاب کو ایوان میں پھینک دیا گیا مجھے اس پر بہت دکھ اور افسوس ہے پارلیمانی لیڈرز کو جب اس معاملے پر بلایا اور ان کی رائے جانی تو سب نے واقعہ پر افسوس اور دکھ کا اظہار کیا اس لئے میں کسی بھی رکن کے خلاف کاروائی نہیں کروں گا کیونکہ اب ہمیں آگے بڑھنا چاہیے اور مستقبل میں اس قسم کی روایات نہیں ڈالنی چاہیے کیونکہ اجلاس کے بعد اراکین چاہے حکومت کے ہوں یا اپوزیشن کے وہ اکھٹے چائے پی رہے ہوتے ہیں ۔

ایک سوال پر ان کا کہنا تھا کہ انہوں نے ساڑھے تین سال اس ایوان کو صبر وتحمل سے چلایا اور اپوزیشن کو حکومت سے زیادہ وقت دیا جس سے بعض حکومتی وزراء مجھ سے ناراض بھی ہوگئے مگر ماحول اچھا رکھنے کے لئے اپوزیشن کو بات کرنے کا موقع زیادہ دیا جس کا ریکارڈ گواہ ہے سپیکر نے کہا کہ جس ایوان میں خود تحریک انصاف بیٹھی ہے اسے ہی جعلی اور چور کہے گی تو پھر قول و فعل کے تضاد کا اندازہ آپ خود لگالیں عمران خان ہر ماہ بطور ایم این اے اپنی تنخواہ وصول کرتے ہیں مگر ایوان میں نہیں آتے ان لوگوں کو پتہ ہونا چاہیے کہ پارلیمنٹ ہی وہ فورم ہے جہاں سے مسائل حل ہو سکتے ہیں اور وہ اسی پارلیمنٹ کی مرہون منت ہیں اس لئے انھیں عوام کے منتخب اداروں بارے ایسی بات نہیں کرنی چاہیے انہوں نے ایک سوال پر بتایا کہ اصلاحات کے نظام کے تحت قومی اسمبلی سیکرٹریٹ کے اڑھائی سو ملازمین کے گریڈ اپ گریڈ کر دیئے گئے ہیں جو ٹیسٹ اور ٹریننگ کر رہا ہے اسے ہم ترقی دے رہے ہیں جس کی وجہ سے ملازمین خوش ہیں

Facebook Twitter Google + Share on Whatsapp

مزید متعلقہ خبریں پڑھئیے‎ :

خیبر پختونخوا حکومت مخصوص نشستوں کی حلف برداری سے گریز کر کے راہ فرار اختیار کررہی ہے ،فیصل کریم کنڈی

جمعہ 22 مارچ 2024 - 15:30

پاکستان کو معاشی لانگ مارچ کی ضرورت ہے، ملک کو مستقل طور پر قرضوں پر نہیں چلایا جا سکتا، احسن اقبال

بدھ 20 مارچ 2024 - 14:11

ہلکی ہلکی آنچ پر آوازیں اٹھ رہی ہیں اس کو باہر بھیج دیا جائے ،کوئی عمران خان کو باہر بھیجنے کی جرات نہ کرے ، جاوید لطیف

ہفتہ 20 مئی 2023 - 17:04

ترکی: الیکشن سے قبل مخالفین کے خلاف عدالتوں اور قوانین کا استعمال

جمعرات 12 جنوری 2023 - 17:40

وزیراعظم شہبازشریف کا بارشوں اور سیلاب سے متاثرین کی مدد کے لئے سندھ حکومت کے لئے 15 ارب روپے کی گرانٹ کا اعلان

جمعہ 26 اگست 2022 - 16:59

گورنر پنجاب کی جانب سے اسمبلی اختیارات محدود کرنے کا آرڈ یننس چیلنج

پیر 20 جون 2022 - 14:48

فوجی عدالتوں میں توسیع کا معاملہ خود قومی مفاد میں ٹیک اپ کیا ہے،سپیکر قومی اسمبلی کا انکشاف

مزید متعلقہ خبریں پڑھئیے‎ :

متعلقہ عنوان :

جمعرات 9 فروری 2017 کی مزید خبریں