ساہیوال سے کراچی جانے تیزگام ایکسپر یس کی بوگیوں میں ڈائنگ کار کا گیس سلنڈر لیک ہونے سے آتشزدگی ،مسافروں نے چھلانگیں لگا کر جانیں بچائیں، 8 نمبر اے سی بوگی جل کر تباہ ، اے سی پلانٹ کا آدھا حصہ جل گیا

یلوے پولیس کے ملازمین کا بہادری کا مظاہرہ ،آتشزدگی کا شکار اے سی کوچ اور اے سی پلانٹ کو دوسری بوگیوں سے علیحدہ کر کے پوری ٹرین کو تباہی سے بچا لیا

ہفتہ 11 فروری 2017 23:15

ساہیوال(اُردو پوائنٹ اخبارتازہ ترین۔ 11 فروری2017ء)ساہیوال سے کراچی جانے تیزگام ایکسپر یس کی بوگیوں میں ڈائنگ کار کا گیس سلنڈر لیک ہونے کی وجہ سے آتشزدگی ،مسافروں نے چھلانگیں لگا کر جانیں بچائی 8 نمبر اے سی بوگی مکمل طور پر جل گئی اے سی پلانٹ کا آدھا حصہ جل گیا، ریلوے پولیس کے ملازمین نے بہادری کا مظاہرہ کرتے ہوئے آگ لگنے والی اے سی کوچ اور اے سی پلانٹ کو دوسری بوگیوں سے علیحدہ کر کے پوری ٹرین کو جلنے سے بچا لیا ۔

(جاری ہے)

فائر برلیگڈ ڈ کا عملہ تاخیر سے پہنچا،تیز گام میں آتشزدگی کی وجہ سے ساہیوال اور خانیوال کے درمیان ڈیرھ گھنٹہ تک ٹریفک معطل رہی ریلوے حکام نے تحیقات شروع کردی گئی ہے،تفصیلات کے مطابق ٹرین ساہیوال اسٹیشن سے 4 بج کر20 منٹ پر روانہ ہوئی ٹرین کے اندر تھانہ ساہیوال ریلوے پولیس کی گشت تھی ٹرین جب چھ بجے کے قریب راجپوت ریلوے اسٹیشن کے نزدیک پہنچی تو اے سی پلانٹ میں قائم ڈائنگ کار کا گیس سلنڈرکھانا پکانے کے دوران لیک ہوتا رہا جس سے ڈائنگ کار اور اے سی پلانٹ میں آگ لگ گئی ،آگ لگنے کے بعد مسافروں اور عملہ نے زنجیر اور ویکم لگا کر گاڑی کو روک لیا اور قریبی 8 نمبر اے سی کوچ کے مسافروں میں اور اُن کا سامان نیچے اتارنے کا کام شروع کر دیا گیا مسافروں میں خوف ہراس بھگدڑ مچ گئی مسافروں نے چھلانگیں لگانا شروع کر دی کلمہ کا ورد کرنے لگے خواتین بچوں کی چیخوں اور خوف ہراس سے مسافروں کی پریشانی میں اضافہ ہوگیا اس مو قع پر پولیس ملازمین اور مسافروں نے ٹرین کے عملہ کے ساتھ مل کر اے سی پلانٹ اور اے سی کوچ کو ٹرین کی دوسری بوگیوں سے علیحدہ کر دیا اس کے باوجود اے سی بوگی مکمل طور پر جل گئی جب کہ اے سی پلانٹ کا آدھا حصہ جل گیا اطلاع ملتے ہی قریبی گائوں سے دیہاتی بھی مسافروں کی مدد کے لیے آگئے انہوں نے اپنی مدد آپ کے تحت پانی اور مٹی سے آگ بجھانے کی کوشش کی لیکن آگ زیادہ ہوتی گئی فائربرلگیڈ اور 1122 رسکیو اطلاع ملنے کے باوجود تاخیر سے پہنچا،بعد میں فائربرلگیڈنے ایک گھنٹہ بعد آگ پر قابو پالیا اس واقعہ کے بعد کراچی جانے والی گاڑیاں علامہ اقبال ،جعفر ایکسپریس بزنس ایکسپریس اور مختلف اسٹیشنوں پر رُکی رہیں آگ بجھانے کے بعد تیزگام کی متاثرہ بوگی اور اے سی پلانٹ کو خانیوال اسٹیشن پر کاٹ لیا گیا اور اے سی بوگی کے مساٖفروں کو چھ نمبربوگی میں منتقل کر دیا گیا جس کے بعد تیزگام کو کراچی روانہ کردیا گیا