سندھ ہائیکورٹ کا صوبے میں تمام شراب خانے بند کرنے کا حکم‘صوبائی حکومت سے 30 روزمیں میکنزم رپورٹ طلب

جمعرات 2 مارچ 2017 23:14

کراچی(اُردو پوائنٹ اخبار آن لائن۔ جمعہ 3 مارچ 2017ء)سندھ ہائیکورٹ نے صوبے میں تمام شراب خانے فوری طور پر بند کرنے کا حکم دیتے ہوئے صوبائی حکومت سے 30 روزمیں میکنزم رپورٹ طلب کرلی ہے،سندھ ہائی کورٹ میں جمعرات کوشراب خانوں پر پابندی کے حوالے سے درخواست کی سماعت ہوئی، سماعت کے دوران چیف جسٹس سندھ ہائی کورٹ نے استفسار کیا کہ جس کے جی میں آئے شراب خریدے اور پیتا پھرے، کیا صوبے میں کوئی نظام نہیں، کوئی بھی مسلمان اپنے مسیحی یا ہندو دوست کے شناختی کارڈ پر جتنی مرضی شراب خرید سکتا ہے، جس پر ایڈووکیٹ جنرل سندھ نے کہا کہ مسئلہ صرف یہ ہے کہ شراب کی خرید و فروخت کو ریگولیٹ کی جائے، ایسا نظام ہونا چاہیے کہ مخصوص دکان سے مختص مقدار میں اقلیت کو شراب دی جاسکے،چیف جسٹس سندھ ہائی کورٹ نے ریمارکس دیے کہ جہاں زیادہ پیسہ ہے وہاں شراب زیادہ بکتی ہے، سندھ میں 120 شراب خانے ہیں جن میں سے زیادہ تر کراچی کے ضلع جنوبی میں ہیں جہاں لاکھوں کے حساب سے شراب بکتی ہے جب کہ تھر کے غریب ہندو کو پینے کا پانی نہیں ملتا تو بیچارہ شراب کہاں سے خریدے گا۔

(جاری ہے)

عدالت میں سماعت کے دوران بشپ خادم بھٹو نے کہا کہ مسیحی برادری کے آج کل روزے چل رہے ہیں لیکن شراب خانے کھلیں ہیں، یہ کیسا قانون ہے، اقلیتوں کا احترام کیا جائے اور شراب خانے بند کیے جائیں۔سندھ ہائی کورٹ نے صوبے بھر میں تمام شراب خانے بند کرنے کا حکم دیتے ہوئے کہا کہ جب تک میکنزم نہ بن جائے تمام شراب خانے بند کردیے جائیں جب کہ سندھ حکومت30 روزمیں میکنزم بناکر رپورٹ عدالت میں پیش کرے،واضح رہے کہ سندھ ہائی کورٹ نے گزشتہ برس بھی صوبے بھر میں شراب خانے بند کرنے کا حکم دیا تھا،تاہم سپریم کورٹ نے سندھ حکومت کی اپیل پر پابندی کو معطل کرتے معاملہ دوبارہ سندھ ہائی کورٹ بھجوادیا تھا۔

Facebook Twitter Google + Share on Whatsapp

مزید متعلقہ خبریں پڑھئیے‎ :

اپوزیشن کا آصفہ بھٹو کی حلف برداری پر شور شرابے سے لگتا یہ ایک نہتی لڑکی سے خوفزدہ ہیں

جمعہ 19 اپریل 2024 - 23:49

وفاقی وزیر داخلہ سید محسن نقوی کی زیر صدارت نیکٹا ہیڈکوارٹر میں نیشنل ایکشن پلان عمل درآمد جائزہ کمیٹی کا اجلاس

جمعہ 19 اپریل 2024 - 22:11

لانڈھی دھماکا، وزیر ِداخلہ سندھ کا پولیس کیلئے انعام و اسناد کا اعلان

جمعہ 19 اپریل 2024 - 21:27

پیپلز پارٹی کاوفاقی کابینہ کا حصہ نہ بننے کافیصلہ حتمی ہے ،بلاول بھٹو زرداری

جمعہ 19 اپریل 2024 - 20:46

افسوس! سعودی وزیرخارجہ پاکستان میں تھے کہ پی ٹی آئی رہنماء نے حکومت گرانے کا الزام لگا دیا

جمعہ 19 اپریل 2024 - 20:41

انتظامیہ اور پی پی کے سرکاری ملازمین عدالتوں کو مس گائیڈ کررہے ہیں،حلیم عادل شیخ

جمعہ 19 اپریل 2024 - 19:06

سندھ ہائیکورٹ کا صوبے میں تمام شراب خانے بند کرنے کا حکم‘صوبائی حکومت سے 30 روزمیں میکنزم رپورٹ طلب

مزید متعلقہ خبریں پڑھئیے‎ :

متعلقہ عنوان :

جمعہ 3 مارچ 2017 کی مزید خبریں