آرمی چیف کا لائن آف کنٹرول پر حاجی پیر سیکٹر کا دورہ ،ْ بھارت کی جانب سے لائن آف کنٹرول کی خلاف ورزیوں پر بریفنگ دی گئی

عوام کشمیریوں پر بھارتی مظالم پر خاموش نہیں رہ سکتے ،ْحق خودارادیت کیلئے کشمیریوں کے ساتھ کھڑے ہیں ،ْآرمی چیف کشمیریوں کو کسی خوف اور جبرکے بغیر زندگی گزارنے کا حق ہے ،ْپاکستان لائن آف کنٹرول پر بھارتی خلاف ورزیوں کا بھرپور جواب دیگا ،ْجنرل قمر جاوید باجوہ

اتوار 30 اپریل 2017 15:50

راولپنڈی (اُردو پوائنٹ اخبار آن لائن۔ پیر 1 مئی 2017ء)پاک فوج کے سربراہ جنرل قمر جاوید باجوہ نے کہا ہے کہ عوام کشمیریوں پر ہونے والے بھارتی مظالم پر خاموش نہیں رہ سکتے ،ْحق خودارادیت کیلئے کشمیریوں کے ساتھ کھڑے ہیں، کشمیریوں کو کسی خوف اور جبرکے بغیر زندگی گزارنے کا حق ہے ،ْپاکستان لائن آف کنٹرول پر بھارتی خلاف ورزیوں کا بھرپور جواب دیگا۔

اتوار کو آئی ایس پی آر کی جانب سے جاری بیان کے مطابق آرمی چیف نے لائن آف کنٹرول پر حاجی پیر سیکٹر کا دورہ کیا جہاں انہیں بھارت کی جانب سے لائن آف کنٹرول کی خلاف ورزیوں پر بریفنگ دی گئی۔ انہوں نے کہا کہ عوام کشمیریوں پر بھارتی مظالم پر خاموش نہیں رہ سکتے، حق خودارادیت کیلئے کشمیریوں کے ساتھ کھڑے ہیں،پاکستان لائن آف کنٹرول پر بھارتی خلاف ورزیوں کا بھرپور جواب دے گا،آرمی چیف جنرل قمر جاوید باجوہ نے کہا کہ بھارت ایل او سی، ورکنگ بائونڈری اور پاکستانی دیہات پر مسلسل جارحیت کر رہا ہے، پاکستان کشمیر میں بچوں اور عورتوں پر مظالم سے لاتعلق نہیں رہ سکتا۔

(جاری ہے)

اس موقع پرآرمی چیف کو فارمیشنز کی آپریشنل تیاریوں پر بریفنگ دی گئی ، انہوں نے آپریشنل تیاریوں پر اطمینان کا اظہار کیا اورایل او سی پر تعینات جوانوں کے جذبہ کو سراہا۔