فیس بک دوستی کا خطرناک انجام ، 21 سالہ لڑکی قتل

لڑکا غائب ہے جسے پولیس تلاش کررہی ہے، تفتیش کررہے ہیں کہ واقعہ قتل ہے یا خودکشی، پولیس

اتوار 30 اپریل 2017 15:50

کراچی(اُردو پوائنٹ اخبار آن لائن۔ پیر 1 مئی 2017ء)کراچی کے علاقے صدر میں واقع رہائشی ہوٹل کے کمرے سی21 سالہ لڑکی کی لاش ملی ہے ، متوفیہ اسلام آباد کی رہائشی تھی جس نے گھر سے فرار ہو کر فیس بک پر دوست بننے والے لڑکے سے کراچی آکر مارچ میں شادی کر لی تھی تاہم پولیس تحقیقات کررہی ہے کہ واقعہ خودکشی ہے یا قتل۔پریڈی تھانے کی حدود صدر راجا غضنفر علی خان روڈ پر واقع المصطفیٰ ہوٹل کی چھٹی منزل پر واقع کمرہ نمبر601 سی21 سالہ لڑکی کی لاش ملی، اطلاع ملنے پر پولیس موقع پر پہنچ گئی اور لاش کو تحویل میں لے کر پولیس کارروائی کے لیے سول اسپتال پہنچایا۔

دوسری جانب ایس ایچ او پریڈی اورنگ زیب خٹک نے بتایا کہ ہلاک ہونے والی لڑکی کی شناخت اس کے شناختی کارڈ سے فرحین دخترمحمد منیرخان کے نام سے کر لی گئی ، وہ پلندری کی رہائشی اور تعلیم یافتہ ہے۔

(جاری ہے)

انھوں نے بتایا کہ فرحین کی گلشن اقبال بلاک 4بنگلہ نمبر E/3کے رہائشی شہیر ولد فیصل رضوان سے فیس بک پر دوستی ہوئی جو محبت میں بدل گئی۔ لڑکی شہیر ولد فیصل رضوان کے محبت میں اسلام آباد سے بھاگ کر کراچی آگئی اور دونوں نی28 فروری کو کراچی میں نکاح کر لیا جبکہ27 اپریل کو المصطفیٰ ہوٹل میں فرحین کے نام سے کمرہ بک کرایا گیا جہاں دونوں رہائش پزیر تھے۔

گزشتہ روز شہیر اور فرحین کے مشترکہ دوست سعد بن علی نے ہوٹل فون کر کے شہیر اور فرحین کے بارے میں معلومات حاصل کرنی چاہیں تو ہوٹل انتظامیہ نے کہا کہ انھیں نہیں پتہ کہ وہ لوگ کہاں ہیں ، سعد نے دن میں دو سے تین مرتبہ فون کر کے فرحین اور شہیر کے بارے میں اپنی تشویش ظاہر کرتے ہوئے بتایا کہ ان دونوں کو موبائل فون بھی بند آرہا ہے آپ کمرہ چیک کرائیں۔

آخر کار رات ساڑھی8 بجے انتظامیہ نے روم بوائے کو بلا کر کمرہ چیک کرنے بھیجا، روم بوائے نے پہلے کمرے پر دستک دی کافی دیر تک دروازہ اندر سے نہ کھولے جانے پر جب اس نے ہینڈل گھمایا تو دروازہ اندر سے کھل گیا اور کمرے کے فرش پر فرحین کی لاش پڑی تھی جبکہ اس کا دوپٹہ پنکھے پر لٹکا ہوا تھا جس پر روم بوائے چیخ مارتا ہوا وہاں سے بھاگا اور انتظامیہ کو آگاہ کیا جس پر پولیس کو اطلاع دی گئی۔

عینی شاہد کے مطابق لڑکی کی لاش فرش پر پڑی تھی، ٹانگیں مڑی ہوئی تھیں گردن اور کلائی پر انگلیوں کا نشانات تھے ، شبہ ہے کہ شہیر نامی شخص لڑکی کو قتل کر کے فرار ہو گیا۔ علاوہ ازیں پولیس نے اسلام آباد پولیس کو لڑکی کے بارے میں بتایا دیا ہے جبکہ شہیر کی گرفتاری کے لیے چھاپے مارے جا رہے ہیں۔ شہیر گلشن اقبال بلاک 4 مکان نمبر ای تھری کا رہائشی اور امریکی نیشنل ہے۔ موقع سے پولیس نے شہیر کا اے ٹی ایم کارڈ اور فرحین کا موبائل فون برآمد کرکے اپنی تحویل میں لے لیاہے۔

Facebook Twitter Google + Share on Whatsapp

مزید متعلقہ خبریں پڑھئیے‎ :

راولپنڈی،تھانہ آراے بازار پولیس نے 16 سالہ لڑکے سے زیادتی کرنے والے مزید 2 ملزمان گرفتارکرلئے

جمعرات 18 اپریل 2024 - 20:22

راولپنڈی،تھانہ صادق آباد پولیس نازیبا اور فحش حرکات کرکے خاتون کو ہراساں کرنے والا ملزم گرفتارکر لیا

جمعرات 18 اپریل 2024 - 20:22

جرمنی میں روس کے لیے جاسوسی کے الزام میں دو افراد گرفتار

جمعرات 18 اپریل 2024 - 20:20

رینجرز اور پولیس کی مشترکہ کارروائی، متعدد وارداتوں میں ملوث4 ملزمان گرفتار

جمعرات 18 اپریل 2024 - 20:17

ملکی مسائل کے حل کیلئے بامعنی مذاکرات اور پارلیمانی اتفاق رائے درکارہے، پولرائزیشن سے ہٹ کر عصر حاضر کی سیاست کی طرف بڑھنا ملکی ضرورت ہے، صدر مملکت ..

جمعرات 18 اپریل 2024 - 20:14

دہشتگردی سے قومی سلامتی ، علاقائی امن و خوشحالی کو خطرہ ، پڑوسی ممالک سے دہشتگرد گروہوں کا سختی سے نوٹس لینے کی توقع رکھتے ہیں، صدر مملکت

جمعرات 18 اپریل 2024 - 19:13

فیس بک دوستی کا خطرناک انجام ، 21 سالہ لڑکی قتل

لڑکا غائب ہے جسے پولیس تلاش کررہی ہے، تفتیش کررہے ہیں کہ واقعہ قتل ہے یا خودکشی، پولیس

مزید متعلقہ خبریں پڑھئیے‎ :

متعلقہ عنوان :

پیر 1 مئی 2017 کی مزید خبریں