آرمی چیف کا حیدر آباد گریژن کا دورہ ،حیدر آباد اور تھر سے متعلق آپریشنل و انتظامی امور پر بریفنگ

ک فوج کو قومی تعمیر کے منصوبے شروع کرنے پر فخر ہے ، یہ منصوبے پاکستانی عوام کے لئے پاک فوج کی مسلسل خدمت کا حصہ ہیں،جنرل قمر جاوید باجوہ کی پاک فوج کی عوامی منصوبوں میںخدمات کی تعریف، گریژن میں افسروں اور جوانوں سے خطاب بھی کیا

جمعہ 5 مئی 2017 23:27

راولپنڈی/حیدر آباد(اُردو پوائنٹ اخبار آن لائن۔ ہفتہ 6 مئی 2017ء) آرمی چیف جنرل قمر جاوید باجوہ نے حیدر آباد گریژن کا دورہ کیا جہاں ان کو حیدر آباد اور تھر سے متعلق آپریشنل و انتظامی امور پر بریفنگ دی گئی ۔ جمعہ کو پاک فوج کے شعبہ تعلقات عامہ ( آئی ایس پی آر ) کے مطابق آرمی چیف جنرل قمر جاوید باجوہ نے حیدر آباد گریژن کا دورہ کیا ۔

دورہ کے دوران آرمی چیف کو حیدر آباد اور تھر سے متعلق آپریشنل و انتظامی امور پر بریفنگ دی گئی ۔

(جاری ہے)

بریفنگ میں بتایا گیا کہ 2014 سے اب تک ایک لاکھ 90 ہزار خاندانوں میں 4 ہزار ٹن راشن تقسیم کیا جا چکا ہے جب کہ ایک لاکھ61 ہزار مریضوں کو طبی امداد دی گئی ۔ پاک فوج کے تعاون سے 6 لاکھ آبادی کو پینے کا پانی فراہم کیا گیا ۔ آرمی چیف نے پاک فوج کی عوامی منصوبوں میںخدمات کو سراہا اور کہا کہ پاک فوج کو قومی تعمیر کے منصوبے شروع کرنے پر فخر ہے ۔

یہ منصوبے پاکستانی عوام کے لئے پاک فوج کی مسلسل خدمت کا حصہ ہیں ۔ اس موقع پر آرمی چیف جنرل قمر جاوید باجوہ نے حیدر آباد گریژن میں افسروں اور جوانوں سے خطاب کیا ۔ قبل ازیں جب وہ حیدر آباد پہنچے تو کور کمانڈر کراچی لیفٹیننٹ جنرل شاہد بیگ مرزا نے ان کا استقبال کیا ۔…(م د )